पोखरामा बुधबार बिहान दुई जनामा कोरोना संक्रमण पुष्टि भयो । पोखरा ६ का २३ वर्षका पुरुष र पोखरा १६ का ५४ वर्षका पुरुषमा कोरोना देखियो ।

पोखरा ६ बैदाम ठेगानाका ति पुरुष लेकसाइडका एक होटलका कर्मचारी रहेको बुझिएको छ । उनलाई होटलमा काम सुरु गर्नु अघि पीसीआर परीक्षणका लागि अस्पताल पठाइएको र रिपोर्ट पोजिटिभ आएको हो । वडाध्यक्ष जगत बहादुर पहारीले ति संक्रमित काम गर्दै आएको होटल फेरेर अर्को होटल जानु अघि कोरोना परिक्षण गरेको बुझिएको जनाएका छन् ।

उनी कोठामै बस्ने भएकाले ट्राभल हिस्ट्री नभएको वडा श्रोतले जनाएको छ । उनलाई आइसोलेसनमा लगिसकिएको र उनको सम्पर्कमा आएका ब्यक्तिहरुको खोजपड्ताल सुरु भएको जनाइएको छ । यससँगै लेकसाइडमा संक्रमितको संख्या दुई पुगेको छ । मंगलबार सिद्धार्थ बैंकका कर्मचारीमा कोरोना देखिएको थियो ।

यस्तै, पोखरा १६ मा संक्रमण पुष्टि भएको ब्यक्ति कार्पेन्टर भएको खुलेको छ । उनको घर पोखरा बाहिर रहेपनि व्यवसायको सिलसिलामा पोखरामै रहेको बुझिएको छ ।