तनहुँ । टिम नेपो तनहुँले आफ्नो स्थापना दिवसको अवसरमा बालगृहका बालबालिकालाई स्कुल ड्रेस र झोला सहयोग गरेको छ ।

संस्थाले आफ्नो स्थापना दिवसको अवसरमा व्यास-१० मा रहेको उज्यालो घर बालगृहका बालबालिकालाई सहयोग गरेको हो ।

संस्थाले बालगृहका २ जना बालबालिकाको लागी स्कुल ड्रेस, झोला र जुत्ता सहयोग गरेको छ ।

सोही अवसरमा क्लबले बालबालिकासंग केक समेत काटेर आफ्नो स्थापना दिवस मनाएका थिए ।

७ जना सदस्यबाट सुरु भएर अहिले संस्थामा २५ जनामा सदस्य पुगेको संस्थाका निवर्तमान अध्यक्ष सुजन लौडारीले जानकारी दिए ।

संस्थाका अध्यक्ष गोविन्द तिमल्सेनाको सभापतित्वमा सम्पन्न कार्यक्रमको संचालन संस्थाका सचिव मिन कुवरले गरेका थिए ।

सोही अवसरमा उज्यालो घर बालगृहको समेत पहिलो वार्षिकोत्सव मनाइएको थियो ।

अहिले बालगृहमा ५ जना बालबालिका रहेको बालगृहका अध्यक्ष सागर घिमिरेले जानकारी दिए ।