पोखरा । गण्डकी प्रदेशमा शनिबार थप एकजनामा कोरोना संक्रमण पुष्‍टि भएको छ ।

भारतबाट आएर पोखरा-१८ स्थित आफ्नै घरमा होम क्वारेन्टिनमा बसेका २२ वर्षीय युवकमा कोरोना संक्रमण पुष्टि भएको हों ।

प्रदेश स्वास्थ्य निर्देशनालयले शनिबार दिउँसो जारी गरेको विज्ञप्ति अनुसार नयाँ संक्रमण पुष्‍टि हुने व्यक्ति कास्कीका हुन् ।

योसँगै गण्डकी प्रदेशमा कुल संक्रमित व्यक्तिको संख्या १३६१ पुगेको छ । कास्कीमा भने कुल संक्रमितको संख्या १०७ पुगेको छ ।

पोखरा स्वास्थ्य विज्ञान प्रतिष्ठानमा गरिएको परीक्षणमा कास्कीको पोखरा महानगरपालिका वडा नं १८ का २२ वर्षीय पुरुषमा संक्रमण देखिएको हो ।

उनलाइ आइसोलेसनमा लैजाने तयारी भइरहेको निर्देशनालयका प्रवक्ता डा. विनोदविन्दु शर्माले जानकारी दिएका छन् ।

निर्देशनालयका अनुसार प्रदेशभर हालसम्म कोरोना जितेर घर फर्किनेको संख्या ११२२ पुग्दा ४ जनाको कोरोनाका कारण ज्यान गएको छ ।