तनहुँ । तनहुँको दमौली बजार नजिकै रहेकोे बुल्दी खोला आइतबार रातिदेखि आएको अविरल वर्षाका कारण उर्लिएको छ ।

केही दिन अघि पनि बुल्दी खोला उर्लिएको थियो तर त्यतीबेला क्षति भएको थिएन । तर सोमबार भने आइतबार रातिदेखिको वर्षाको प्रभाव स्पष्ट देख्न सकिन्थ्यो ।

व्यास-१ स्थित करङकाठ, सिमलटार, तालघरे लगाएतको स्थानका घर लगाएत अन्य संरचनाहरु डुबानमा परेको थियो ।

त्यस्तै व्यास-१ को करङकाठमा रहेको फुटसल समेत खोलाले डुबाएको थियो । त्यस्तै विभिन्न स्थानका फर्निचर र अन्य घर तथा टहरा डुबाएको थियो ।

विभिन्न स्थानमा बुल्दी खोलामाथि बनाईएको कजवेहरुमा समेत क्षति पुर्याएको छ ।

खोलाले आफ्नो पुरानो बाटो लिएको स्थानीयहरु बताउछन । खोला बस्तीमा होइन मान्छेले खोला मिचेर संरचना बनाउदा खोलाले आफ्नै बाटो लिएको स्थानीयको भनाई छ ।

त्यस्तै खोला छेउमा रहेको विद्युतको पोल समेत ढलेका थिए । सोही कारणले दमौली र आसपासका स्थानमा सोमबार दिनभर जसो विद्युत अवरुद्ध भएको थियो ।

तनहुँमा पहिरोमा पुरिएर १० जनाको मृत्यु भएको छ ।

त्यस्तै २ जना बेपत्ता रहेका छन । अन्य २ जना घाइतेको भने पोखरामा उपचार भईरहेको जिल्ला प्रहरी कार्यालय तनहुँले जनाएको छ ।

हेर्नुस तस्बिरमा…

तस्बिर : सामाजिक संजाल