तनहुँ । जिल्ला प्रहरी कार्यालयले डेढ महिनापछि ज्यान मार्ने उद्योग मुद्दाका २ फरार व्यक्तिलाई पक्राउ गरेको छ ।

रिसिङ गाउँपालिका-२ स्थायी घर भई हाल व्यास-१३ बेलबास बस्ने २४ वर्षीय कमलेश चन्द र व्यास-१३ बेलबासका २६ वर्षीय मनोज परियारलाई पक्राउ गरेको जिल्ला प्रहरी कार्यालयका प्रहरी नायव उपरीक्षक युवराज तिमिल्सिनाले बताए ।

गत जेठ ७ गते व्यास-१ का २३ वर्षीय सुरज रानालाई बेलबासमा उनीहरुले ज्यान मार्ने उद्देश्यका साथ बाटो छेकी बिवाद गरी धारिलो हतियार प्रहार गरेको प्रहरीले जनाएको छ ।

उनीहरुले सुरजको टाउको तथा शरिरको संवेदनशिल भागहरुमा पटक पटक प्रहार गरी गम्भिर घाइते बनाई भागी फरार रहेको प्रहरी नायव उपरीक्षक तिमिल्सिनाले बताए ।

घटनापछि फरार रहेका चन्द र परियारलाई असार २५ गते व्यास-३ सिर्जनाटोल दमौलीबाट समातिएको उनले बताए ।

उनीहरुलाई नियन्त्रणमा लिई जिल्ला अदातलमा उपस्थित गरी म्याद थप अनुमति लिई थप अनुसन्धान भईरहेको प्रहरीले जनाएको छ ।