स्याङ्जा । स्याङ्जाका ३ जनाले कोरोना भाइरस (कोभिड–१९) लाई जितेका छन् । कोरोनालाई जितेर निको भएर घर फर्कनेहरुमा वालिङ नगरपालिकाका एकजना पुरुष र गल्याङ नगरपालिकाका दुईजना पुरुष रहेका छन् ।
वालिङ नगरपालिका वडा नं. १३ का २१ वर्षीय पुरुष र गल्याङ नगरपालिकाका २७ र ४० वर्षीय पुरुषहरु रहेको जिल्ला अस्पताल स्याङ्जाका कोरोना फोकल पर्सन डा. अञ्जु अर्यालले जानकारी दिईन ।
वालिङका गत जेठ १५ र गल्याङका जेठ १८ गतेबाट जिल्ला अस्पतालको आइसोलेसनमा बस्दै आएका थिए । उनीहरुको स्वाव दोस्रो पटक परीक्षणका लागि जेठ २२ गते पोखरा पठाइएको थियो ।
हिजो मंगलबार स्वाव परीक्षण रिपोर्ट नेगेटिभ आएपछि उनीहरुलाई आज घर पठाइएको अस्पतालले जनाएको छ ।
उनीहरुलाई प्रमुख जिल्ला अधिकारी गंगा बहादुर क्षेत्री, पुतलीबजार नगरपालिकाका प्रमुख सीमा कुमारी क्षेत्री, अस्पतालका चिकित्सक तथा स्वास्थ्यकर्मीका टोलीले विदाइ गरेका थिए ।
स्याङ्जामा कोरोना संक्रमितको संख्या ३८ पुगेको छ । जसमध्ये एकजनाले ज्यान गुमाएका भने ३४ जना आइसोलेसनमा छन् ।
सम्बन्धित खबर
४७ करोड लागतमा बन्दै रुपा रिङरोडको दोस्रो खण्ड
संविधानको कार्यान्वयनसँगै समृद्धि हासिलः प्रदेश प्रमुख भट्ट
संविधान दिवस : स्याङ्जामा प्रभातफेरी
पश्चिमाञ्चल क्षेत्रीय अस्पतालमा गत वर्ष साढे ४ लाख बढीले लिए सेवा
हिसान कास्की अध्यक्षमा हिल पोइन्टका दिवाकर, सचिवमा प्रतिभाका किरण
प्रदेश प्रमुख भट्टद्वारा संविधान दिवसमा शुभकामना व्यक्त
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग