विराटनगर – विभन्न ब्राण्डका मदिराका बोतलमा नक्कली स्टिकर र नक्कली मदिरा भरेर कारोबार गर्दै आएका विराटनगर–६ का श्रवण मुखियालाई प्रहरीले पक्राउ परेको हो।

मोरङ प्रहरीका अनुसार, विराटनगर ११ बसपार्क छेउको योजित प्रधानको घर भाडामा लिएर संचालन गरिएको न्यू डीएन ट्रेडर्समा छापा मारेर मदिरासहित मुखियालाई नियन्त्रणमा लिइएको हो। उनले विभिन्न नामका ५ सय ३० बोतलमा नक्कली मदिरा भरेर बिक्री–वितरण गर्दै आएका थिए ।

मुखियाले बिक्रीका लागि राखेका नक्कली मदिरा भरेर वाइन, वियर, ह्वीस्की र भोट्का बिक्रीका लागि तयार गरेका थिए ।

प्रहरी नायब उपरीक्षक मानबहादुर राईका अनुसार, सिग्नेचर ह्वीस्की दुई सय १० बोतल, फाइटर नामको मदिरा ८९ बोतल, रुस्लान भोट्का २६, बियर ७२ बोतललगायतका अन्य विभिन्न नामका मदिराका भरी बोतल बरामद गरिएको छ।

मुखियाले नक्कली मदिरा उत्पादन गरी कारोबार गर्ने गरेको सूचनाका आधारमा छापा मारिएको प्रहरीले बताएको छ ।