पोखरा । सेन्टर फर डेमोक्राटिक नेपाल (सिडेन) गण्डकी प्रदेशले क्यालेण्डर लोकार्पण गरेको छ ।

पोखरा ईन्जिनियरिङ्ग कलेजका प्रिन्सिपल नेपाल इन्जिनियर्स एसोसियसन क्षेत्रीय केन्द्र पोखराका पुर्वअध्यक्ष तथा सिड़ेन गण्डकी प्रदेशका सल्लाहकार लेख बहादुर गुरुङले क्यालेण्डर लोकार्पण गरेका हुन् ।

उक्त कार्यक्रममा सिडेन गण्डकी प्रदेशका सभापति सुरेन्द्र पाण्डे, उपसभापति खेमराज कोईराला, कोषाध्यक्ष अबित केसी, सल्लाहकार रमेश बास्तोलासहित १० जना ईन्जिनियरको उपस्थिति थियो ।

नया वर्ष २०७७ सालको उपलक्ष्यमा भित्ते क्यालेन्डर प्रकाशन गर्ने निर्णय भएपनि कोरोना भाइरस (कोभिड-१९)को महामारिको बेला सरकारले गरेको बन्दाबन्दी (लकडाउन)का कारण भौतिक दुरी कायम गरि सानो कार्यक्रमका आयोजना गरि क्यालेन्डर लोकार्पण गरिएको आर्थिक तथा क्यालेन्डर प्रकाशन समितिका संयोजक तथा सिड़ेन गण्डकी प्रदेशका कोषाध्यक्ष अबित के.सिले जानकारी दिए ।

सो अवसरमा ढिलै भएपनि नववर्ष २०७७ को शुभकामना आदान प्रदान व्यक्त गरिएको थियो ।