पोखरा । नेपाली भुमिमा भारतले सडक बनाएको विरोधमा नेबिसंघले सोमबार गरेको प्रदर्शनका क्रममा प्रहरीले गरेको धरपकडको विरोधमा नेविसंघ कास्कीले जिल्ला प्रशासनमा ज्ञापनपत्र बुझाएको हो ।

नेविसंघ कास्कीका निवर्तमान अध्यक्ष बिकास थापा, सचिव संघर्श कोइराला निवर्तमान केन्द्रीय सदस्य हेमन्त पाण्डे, कास्की ने.वि.संघका नेता निरोज लामिछाने, टेनिस श्रेष्ठ, सुसान त्रिपाठी, बिपिन पौडेल लगाएका विद्यार्थी नेताहरुको उपस्थितिमा कास्कीका प्रमुख जिल्ला अधिकारि ज्ञान प्रसाद ढकाल लाई ज्ञापनपत्र बुझाएका थिए ।

नेबिसंघ केन्द्रिय समितिले सबै जिल्लाहरुलाई दिएको निर्देशन अनुसार मंगलबार देशै भरिका प्रमुख जिल्ला अधिकारीमार्फत सरकारलाई ज्ञापनपत्र बुझाइएको नेविसंघका नेताहरुले बताएका छन ।

ने बि संघ केन्द्रिय कार्यक्रम अन्तरगत भारतिय बिस्तारवाद र नेपाल सरकारको लम्पसारवाद को विरुद्धमा नेपाल बिद्यार्थी संघ कास्कीले पनि ज्ञापन पत्र बुझाएको नेविसंघ कास्की जिल्लाका निर्वमान सचिव संघर्श कोइरालाले जानकारी दिए ।