कैलाली । कैलालीको गौरिगंगा नगरपालिका वडा नम्बर ९ शंकरपुरकी एक युवतीको फेसबुकबाट आफन्त तथा साथीहरुलाई अश्लिल भिडियो तथा फोटो पठाई आत्महत्या गर्न बाध्य पारेको आरोपमा एक युवक प्रक्राउ परेका छन्।

घटनामा संलग्न कन्चनपुरको बेलौरी नगरपालिका वडा नम्बर ७ बस्ने २३ वर्षीय सन्तराम चौधरीलाई प्रहरीले पक्राउ गरेको हो।

१९ वर्षिया लक्ष्मी देउवाको फेसबुक आइडीबाट निजका आफन्त तथा साथीहरुलाई ती युवकले अश्लिल भिडियो तथा फोटो पठाई चरित्र हत्या गरेका कारण लक्ष्मीले आत्महत्या गरेको सूचना प्रहरीसमक्ष आएको थियो।

धनगढी उपमहानगरपालिका वडा नम्वर ६ जालीस्थित सुकुटी नालामा झुण्डिएर लक्ष्मीले हिजो आत्महत्या गरेकी थिइन्। घटनाको अनुसन्धानका क्रमममा उक्त अश्लिल भिडियो, फोटाे र फेसबुक आइडी लगईन अवस्थामा चौधरीलाई फेला पारिएको र मोबाइल सहित पक्राउ गरी थप अनुसन्धान भई रहेको कैलालीका प्रहरी प्रवक्ता तथा डिएसपी दक्ष कुमार बस्नेतले बताए।