साविक विजेता रुस्लान थ्री स्टार क्लबलाई ३–० को फराकिलो गोलअन्तरले हराउँदै विभागीय नेपाल पुलिस क्लब १८ औं आहा रारा गोल्डकप फुटबल प्रतियोगिताको फाइनल प्रवेश गरेको छ ।

आयोजक सहारा क्लब पोखराले आयोजना गरेको क्याराभानदेखि जारी संस्करणसम्म १८ पटकको सहभागितामा ६ पटकको विजेता पुलिसले १६ औं संस्करणमा समेत थी्रस्टारलाई हराउँदै उपाधिमाथि कब्जा जमाएको थियो ।

प्यारापिटमा उल्लेख्य दर्शकमाझ भएको प्रतियोगिताको पहिलो सेमिफाइनलमा पाँचौ पटकसम्मको विजेता थी्रस्टारको चुनौती पन्छाउन पुलिसका लागि नीरकुमार राईले २ र कप्तान भरत शाहले १ गोलको योगदान दिए ।खेलको ८ औं मिनेटमै कप्तान शाहले गोल गर्दै टिमलाई अग्रता दिएकोमा दोस्रो हाफको ५१ औं र ७२ औं मिनेटमा राईले २ गोल गरेका हुन् ।

थ्रीस्टारले पाहुना टोली गान्तोक सिटी क्लबलाई र पुलिसले आयोजक सहारा क्लबलाई पराउँदै गर्दै आपसी भेट गरेका थिए । प्रतियोगितामा नीरकुमार राई म्यान अफ दी म्याच भए । शनिबार हुने फाइनलको विजेताले १० लाख र उपविजेताले ५ लाख रुपैयाँ प्राप्त गर्नेछन् ।