तनहुँ । होमस्टेबाट गण्डकी प्रदेश समृद्धिको यात्रामा अघि बढिरहेको गण्डकी प्रदेशका पर्यटन, उद्योग, बन तथा वातावरणमन्त्री विकास लम्सालले बताए ।

शुक्रबार भानु ९ चितीखोला स्थित ग्रिनहिल भिलेज सामुदायिक होमस्टेको उद्घाटन गर्दै मन्त्री लम्सालले सो कुरा बताएका हुन ।

‘होमस्टेबाट गण्डकी प्रदेश समृद्धिको यात्रामा छ ।’ मन्त्री लम्सालले भने ‘समृद्ध नेपाल र सुखी नेपाली हुनका लागी जनता आर्थिक रुपमा सक्षम हुनुपर्छ ।’

होमस्टेले गर्दा गाउँ-गाउँ सामुदायिक भवन, भ्यु टावर, बाटा, चौतारी, गुफाको संरक्षण लगाएतका काम भएको मन्त्री लम्सालले बताए ।

‘लोप हुँदै गएको मौलिक कला र संस्कृतिको जगेर्ना हुँदै गएको छ ।’ मन्त्री लम्सालले भने ‘ स्थानीय युवा अहिले आफ्नै ठाउँ बस्न समेत थालेका छ्न ।’ ग्रामीण क्षेत्रको विकास संगै संस्कृति र प्राकृतिक स्रोत साधनको समेत संरक्षणमा होमस्टेले सहयोग पुर्याएको मन्त्री लम्साल बताउँछन् ।

‘होमस्टेबाट गण्डकी प्रदेश समृद्धिको यात्रामा छ ।’ मन्त्री लम्सालले भने ‘समृद्ध नेपाल र सुखी नेपाली हुनका लागी जनता आर्थिक रुपमा सक्षम हुनुपर्छ ।’

नेपाल प्रकृतिले दिएको स्वर्गको टुक्रा भएको मन्त्री लम्सालले बताए । ‘श्रमको सम्मान गरि ग्रामीण क्षेत्रमा काम गरे मात्रै समृद्धिको यात्रा सफल हुन्छ ।’ उनले थपे ‘अनि मात्रै युवा विदेश पलायन हुन पर्दैन, यहीँ कमाउने र यहीँ नै रमाउने सपना साकार हुन्छ ।’

गण्डकी प्रदेशका जुन होमस्टेले ७५ प्रतिशत अर्गानिक खानेकुरा पाहुनालाई खुवाउछ त्यही होमस्टेले मात्रै अनुदान पाउने मन्त्री लम्सालले बताए । ‘गण्डकी प्रदेश अहिलेको वर्ष पर्यटन प्रवर्द्धनमा लागेको छ ।’ मन्त्री लम्सालले भने ‘अब प्रदेश सरकार उद्योग संचालन तर्फ अघि बढ्छ ।’

तनहुँमा अहिले ४४ वटा होमस्टे संचालन भईरहेको डिभिजन बन कार्यालय तनहुँका प्रमुख केदार बरालले जानकारी दिए । भानु नगरपालिका भित्र मात्रै ८ वटा होमस्टे संचालनमा रहेको छ ।