नेपाली युवा क्रिकेटर सन्दीप लामिछाने चम्किएका छन् । ‘द क्रिकेट मन्थ्ली’ अनलाईनका अनुसार सन्दीप यस सिजनमा सबैभन्दा धेरै देशमा ‘टि ट्वान्टी’ खेल्ने क्रिकेटर बनेका छन्  ।

सन्दीपसँगै अफगानिस्तानका नजिबउल्लाह जद्रान पनि शीर्ष स्थानमा छन् । उनीहरुले सबैभन्दा धेरै ८ देशमा खेलेका हुन् । इन्डियन प्रिमियर लिगबाट अन्तर्राष्ट्रिय खेल सुरु गरेका सन्दीपले अष्ट्रेलियाको बिग बास हुँदै क्यानडा, दक्षिण अफ्रिका, पाकिस्तान, बंगलादेश र हङकङका खेल खेलिसकेका छन् ।

यससँगै सबैभन्दा धेरै बलिङ गर्ने क्रिकेटरको दोस्रो सूचीमा पनि छन् सन्दीप । लामिछानेले अहिलेसम्म टी ट्वान्टीमा ९ सय ८५ पटक बलिङ गरिसकेका छन् ।

मर्नुस लबुस्चग्ने गत वर्ष ५ सय ८६ खेल खेल्दै सर्वाधिक व्यस्त क्रिकेटर थिए । जोए रुटले सबैभन्दा धेरै अन्तर्राष्ट्रिय खेल खेले । अलेसा हेली सबैभन्दा धेरै खेल खेल्ने महिला क्रिकेटर बनिन् । विराट कोहली अन्तर्राष्ट्रिय खेलमा सबैभन्दा धेरै बल झेल्ने क्रिकेटर बने ।