तनहुँ । टिम नेपो तनहुँले विद्यार्थीलाई ट्राफिक नियम सम्बन्धि सचेतना प्रदान गरेको छ ।

व्यास-१० स्थित चण्डिदेवि राष्ट्रिय माध्यमिक विद्यालयमा टिम नेपो तनहुँले जिल्ला ट्राफिक प्रहरी कार्यालय तनहुँ संग सहकार्य गरि सो कार्यक्रम गरेको हो ।

ट्राफिक नियम सम्बन्धि सचेतना जिल्ला ट्राफिक कार्यालय तनहुँका प्र सा नि रेशम बहादुर गुरुङले दिएका थिए ।
कार्यक्रममा ट्राफिक बत्ती, नम्बर प्लेट, ट्राफिक नियम, सवारी दुर्घटना सम्बन्धि जानकारी विद्यार्थीहरु लाई दिइएको थियो । ट्राफिक सचेतना सम्बन्धि भिडियो सामाग्री समेत प्रस्तुत गरिएको थियो ।

कार्यक्रमको अध्यक्षता टिम नेपो तनहुँका अध्यक्ष सुजन लौडारिले गरेका थिए ।

कार्यक्रमको प्रमुख अतिथि विद्यालय व्यवस्थापन समितिका अध्यक्ष ऋषिराम ढुंगाना रहेका थिए ।

कार्यक्रममा रोट्रयाक्ट क्लब अफ दमौलीका अध्यक्ष मनोज राउत, विद्यालयका प्रधानाध्यापक श्रीकृष्ण आचार्य रहेका थिए ।

कार्यक्रमको स्वागत टिम नेपो तनहुँका सचिव बिशाल खत्री र संचालन संस्थाका सदस्य सागर घिमिरेले गरेका थिए ।