पोखराको स्यामसुङ्ग गल्लीमा पालमोश कोटर सञ्चालनमा आएको छ । महिला उद्यमी अनुरुप्ता शाहा र श्रीया केशीले संयुक्त लगानीमा पालमोश सञ्चालनमा ल्याएका हुन् ।

काठमाण्डौमा करिब दुई वर्ष अगाडि सञ्चालनमा ल्याएको व्यवसायलाई पोखरामा पालमोशको रुपमा पहिलो पटक सुरुवात गरेको सञ्चालक अनुरुप्ता शाहले जानकारी दिईन् । महिला तथा युवतीहरुलाई मध्यनजर गर्दै सञ्चालनमा ल्याएको पालमोशमा विषेशतः रेडिमेड वेयरहरु सारी, कुर्ता, टप्स, लेहेङ्गा तथा कल्चर अनुसार सबै प्रकारका सामान उपलब्ध छ ।

पोखराको बजार र मार्केट सुहाउँदो रुपमा आफुहरुले व्यवसाय सुरु गरेको शाहले बताईन् । पालमोशमा दशैं र तिहारलाई मध्यनजर गर्दै ओपनिङ्ग सिजनमा २० प्रतिशत छुट रहेको सञ्चालक मध्यकी श्रीया केशीले जनाईन् ।
सबै खालका बर्गलाई सुहाउदो र मेलखाने गरी आफुहरुले पालमोश पोखरामा सञ्चालनमा ल्याएको उनको भनाई छ ।

पछिल्लो समय महिला तथा युवतीहरुमा बढ्दो माग र फस्टाउँदो व्यवसायलाई आफुले सञ्चालनमा ल्याएको र पोखराको मार्केट अनुसार पालमोश मार्फत आफुले ग्राहकहरुलाई सेवा दिने सञ्चालकद्वय बताउँछन् ।