चिनीयाँ ह्याकरले नेपाली बैंकका एटिएमबाट रकम चोरी गरेपछि आइतबार बन्द भएका एटिएमहरू सुचारु भएका छन्। ह्याकर समूहले नेपाल र भारतमा गरी तीन करोड ६८ लाख रुपैयाँ भन्दा बढी चोरी गरेका थिए ।

आइतबार दिउँसो केहि समय एटिएम बन्द भए पनि साँझबाट सञ्चालन आएको नेपाल राष्ट्र बैंकका प्रवक्ता लक्ष्मीप्रपन्न निरौलाले जानकारी दिएका छन् । प्रवक्ता निरौलाले सर्वसाधरणको निक्षेप पूर्ण रुपमा सुरक्षित रहेको भन्दै सर्वसाधरणलाई नआत्तिन समेत आग्रह गरेका छन्। अहिले नेपाली बैंकका साढे ३३ खर्बभन्दा बढीको निक्षेप रहेको छ।

प्रवक्ता निरौलाले ह्याकरहरूको सक्रियतलाई राष्ट्र बैंकले गम्भिरताका साथ लिएर अध्ययन सुरु गरेको जानकारी दिए। राष्ट्रबैंकले छानबिन र अध्ययनका लागि समिति गठन गरेको छ। भुक्तानी विभागका कार्यकारी निर्देशको बोमबहाहदुर मिश्रको संयोजकत्वमा गठित समितिले बुधबारसम्म प्रतिवेदन बुझाउनु पर्ने समायवधि तोकिएको छ। मिश्रको समितिले प्रतिवेदन बुझाएपछि राष्ट्र बैंकले आवश्‍यक कदम चाल्ने जनाएको छ।