राष्ट्रिय पुर्ननिर्माण प्राधिकरण जिल्ला कार्यान्वयन इकाईको सहयोगमा १ करोड ४० लाख रुपैयाँको लागतमा बाटुलेचौरमा रहेको विन्ध्यवासिनी मा.विमा नयाँ पक्की भवन निर्माण हुने, आठ कोठे भवनको आईतबार एक कार्यक्रमकाबीच गण्डकी प्रदेशका सामाजिक विकास मन्त्री नरदेवी पुनले शिलान्यास गरेकी छिन् ।

 

शिलान्यास कार्यक्रममा बोल्दै मन्त्री पुनले सुरक्षित भवन र वातावरणमा बसेर अध्ययन गर्न पाउनुपर्ने बालबालिकाको नैसर्गिक अधिकार रहेको बताएकी छिन् । २०७२ सालको विनाशकारी भुकम्पले देशका धेरै विद्यालयलाई क्षति पु¥याएको र त्यस्ता भवनको पुर्ननिर्माणमा सरकार गम्भीर रुपमा लागेको उनको भनाई थियो । “शिक्षा क्षेत्रको आमुल परिवर्तन मात्र होईन, क्षतिग्रस्त विद्यालय भवनको पुर्ननिर्माणमा पनि सरकार गम्भीर रुपले लागेको छ ।” मन्त्री पुनले भनिन् । उनले भवनलाई समयमा नै सम्पन्न गर्न र अभावका विचमा पनि अध्ययन अध्यापनलाई निरन्तरता दिन सुझाव दिएकी छिन् ।

 

कार्यक्रममा मन्त्री पुनले सीमित श्रोत र साधनका बाबजुद पनि विद्यालयले गरेको शैक्षिक उन्नतिप्रति खुसी प्रकट गर्दै प्रदेश सरकारका तर्फवाट आवश्यक सहयोग गर्ने प्रतिबद्धता व्यक्त गरेकी छिन् । विद्यालय व्यवस्थापन समितिका अध्यक्ष चन्द्रा थापाले विद्यालयमा विद्यार्थीको चाप अधिक रहेको तर शिक्षक दरबन्दी न्युन हुदाँ कठिनाई परेको उल्लेख गर्दै दरबन्दी थप गरिदिन आग्रह गरिन् । कार्यक्रममा प्रधानाध्यापक कृष्णप्रसाद आचार्यले जोखिमयुक्त भवन भत्काएपछि भवनको थप समस्या परेपनि अव छिट्टै समाधान हुने विश्वास व्यक्त गरेका छन् ।

कार्यक्रमका अवसरमा विद्यालयका सुचना अधिकारी राम वहादुर बानियाँले विद्यालयको शैक्षिक तथा भौतिक अवस्थाका वारेमा जानकारी गराएका थिए । साउदी अरेविया सरकारको आर्थिक सहयोग र प्राधिकरण जिल्ला कार्यान्वयन इकाईको समन्वयमा निर्माण हुने पक्की भवन चैत मसान्तसम्ममा सम्पन्न गरिने सुचना अधिकारी वाँनियाले बताएका छन् ।२०७२ साल वैशाख १२ गते गएको विनाशकारी भुकम्पले विद्यालयको भवनलाई क्षति पु¥याएको थियो ।