तनहुँ । पत्रकार रवि लामिछानेका समर्थकले सोमबार तनहुँको दमौलीमा प्रदर्शन गरेका छन् । जिल्लाको सदरमुकाम दमौलीमा उपस्थित भएका उनीहरुले लामिछानेकाे रिहाइ गर्न माग गरेका थिए ।

पत्रकार शालिकराम पुडासैनीको मृत्यु रहस्यमय भएको भन्दै प्रहरी प्रशासनले निष्पक्ष छानविन गर्नुपर्छ भन्दै उनीहरुले र्‍याली निकालेका हुन् । पत्रकार रवि लामिछाने निर्दोष भएको भन्दै रिहाई गर्न उनीहरुको माग रहेको थियो । व्यास २ ग्रीनसिटि टोलको आयोजनामा उक्त र्याली भएको थियो ।

मृत पत्रकार शालिकराम पुडासैनीले साउन २० गते नारायणगढस्थित कंगारु होटलमा आत्महत्या गर्नुअघि पत्रकार लामिछानेसहित, युवराज कँडेल र अस्मिता कार्कीको नाम लिएकाे भिडियाे सार्वजनिक भएकाे थियाे ।

उनीहरुलाई प्रहरीले साउन ३० गते काठमाडौंबाट पक्राउ गरेको हो । उनीहरूमाथि गत शुक्रबार ५ दिनको म्याद थप गरी अनुसन्धान भइरहेको प्रहरीले जनाएको छ ।

हेर्नुस पुरा भिडियो :