सर्वोच्च शिखर सगरमाथामा ट्राफिक जाम भएकोबारे अध्ययन गर्न गठित सरकारी कार्यदलले ट्राफिक जाम भएको कुरा कतैबाट पुष्टि नभएको भन्दै प्रतिवेदन सार्वजनिक गरेको छ ।

संस्कृति पर्यटन तथा नागरिक उड्डयन मन्त्रालयका सहसचिव घनश्याम उपाध्यायको संयोजकत्वमा गठित कार्यदलले बुधबार अध्ययन प्रतिवेदन सार्वजनिक गर्दै सगरमाथामा ट्राफिक जाम भएको कुरा कतैबाट पुष्टि नभएको निष्कर्ष निकालेको छ ।

ट्राफिक जामका कारण आरोहीको मृत्यु भएको भन्न तथ्य नभेटेको उल्लेख गर्दै कार्यदलले जाम नभइ आरोहीको लामचाहिँ भएको बताएको छ । जामकै कारण मृत्यु भएको भन्ने आरोपलाई सबैभन्दाले आरोहण गरेको दिनको मृत्युदर ०.००४ प्रतिशतले खण्डन गर्ने कार्यदल संयोजक उपाध्यायले बताए ।

मौसमी प्रतिकुलता धेरै भएका र थोरै समय विन्डो खुल्दा आरोहण गर्ने धेरै भएको उनको भनाइ छ ।सन् २०१९ को वसन्त ऋतुमा सगरमाथा आरोहणको क्रममा १५ जनाको ज्यान गएको थियो । २ जना अझै बेपत्ता छन् ।