उपचारका लागि सिंगापुर प्रस्थान गरेका प्रधानमन्त्री केपी शर्मा ओली सोमबार स्वदेश फर्किने भएका छन् ।

यसअघि गत शुक्रबार स्वदेश फर्किने जनाइए पनि स्वास्थ जाँचको सम्पूर्ण रिपोर्ट नआएका कारण ओलीको स्वदेश फर्किने तालिका सोमबारका लागि सरेको हो ।

प्रधानमन्त्री ओलीको स्वास्थ्य परिक्षणको काम सकिएको र उनी भोलि दिउँसो काठमाडौं आइपुग्ने प्रधानमन्त्रीका प्रेस सल्लाहकार कुन्दन आर्यालले जानकारी दिए ।

प्रधानमन्त्री ओलीको सिंगापुरस्थित नेशनल युनिभर्सिटी हस्पिटलमा स्वास्थ्य परीक्षण गरिएको छ । नियमित स्वास्थ्य परीक्षणका लागि प्रधानमन्त्री ओली यही साउन १८ गते त्यसतर्फ प्रस्थान गरेका थिए ।

प्रधानमन्त्री ओलीका साथमा उनकी धर्मपत्नी राधिका शाक्य, मुख्य राजनीतिक सल्लाहकार विष्णुप्रसाद रिमाल, निजी चिकित्सक डा दिव्यासिंह शाह, स्वकीय सचिव राजेश बज्राचार्यसहित ९ जनाको टोली सहभागी छ ।