तनहुँ । पृथ्वीराजमार्ग अन्तर्गत तनहुँको बन्दीपुर गाउँपालिका-५ ढाँपमा आइतबार बिहान बस दुर्घटना हुँदा १९ जना घाइते भएका छन् । नारायणगढबाट बाग्लुङ जाँदै गरेको बा ४ ख ५९८८ नम्बरको बस दुर्घटना भएको हो ।

अगाडि रहेको सवारीलाई ओभरटेक गर्न खोज्दा अनियन्त्रित भई उक्त बस दुर्घटना भएको जिल्ला प्रहरी कार्यालय तनहुँले जनाएको छ । दुर्घटनामा परि बसमा सवार १९ जना यात्रु घाइते भएको प्रहरीले जनाएको छ । घाइते मध्ये २ जनाको अवस्था गम्भीर रहेको छ ।

गम्भीर घाइते एकको डुम्रे स्थित लक्ष्मी अस्पतालमा उपचार भईरहेको र अर्काएकजना लाई पोखरा स्थित गण्डकी मेडिकल कलेजमा रिफर गरिएको जिल्ला प्रहरी कार्यालय तनहुँले जनाएको छ ।

उक्त बसमा ३३ जना यात्रु सवार रहेका थिए । अन्य सामान्य घाइते उपचार पश्चात फर्किएको प्रहरी जनाएको छ । प्रहरीले बस चालकलाई नियन्त्रणमा लिइ थप अनुसन्धान गरिरहेकाे छ ।