कैलालीमा छोराले आफ्नै बाबुमाथि चिर्पट प्रहर गरेका छन् । कैलालीको गोदावरी नगरपालिका वडा नम्बर ५ मा चिर्पटले हानेर छोराले बाबुको हत्या गरेका हुन्।

नगरपालिकाका र्बबाटाका ३० वर्षीय राम सिँह कुमालले ६० वर्षीय बाबु अम्बरलाई चिर्पटले हानेर हत्या गरेका छन्। घरायसी विवादका क्रममा छोरोले चिर्पट प्रहार गर्दा उनको मृत्यु भएको प्रहरीले जनाएको छ। छोराको चिर्पट प्रहारबाट गम्भीर घाइते भएका अम्मरलाई उपचारका लागि सेती अञ्चल अस्पताल धनगढी ल्याइएको थियो। उनको उपचारका क्रममा मृत्यु भएको प्रहरीले जनाएको छ।

ईलाका प्रहरी कार्यालय मालाखेतीको टोलीले हत्या गरी फरार रहेका कुमाललाई पक्राउ गरेको जिल्ला प्रहरी कार्यालयका प्रहरी नायब उपरिक्षक दक्ष कुमार बस्नेतले बताए। उनी नगरपालिकाको वडा नम्बर १ धनगढी रोडको हाटबजारबाट पक्राउ भएका हुन्। घटनाबारे थप अनुसन्धान भइरहेको प्रहरीले जनाएको छ।