नवलपरासी । कावासोतीमा बृहत निःशुल्क योग तथा बिशेषज्ञ आयुर्वेद स्वास्थ्य शिबिर हुने भएको छ । गण्डकी प्रदेश सरकार सामाजिक बिकास मन्त्रालयको आयोजनामा स्वास्थ्य जीवन अभियान कार्यक्रम अन्तर्गत असार २० गते देखि २२ गते सम्म बृहत निशुल्क योग शिबिर हुने भएको हो । बिशेषज्ञ आयुर्वेद शिबिर आयोजना गरिएको मन्त्रालयका कार्यक्रम संयोजक नवीनकिरण भुसालले जानकारी गराए ।

भुसालका अनुसार आजभोली नसर्ने रोगहरुको प्रकोप बढिरहेको साथै नसर्ने रोगहरुको कारणले अकाल मृत्युको दर बढिरहेको सन्र्दभमा योग जीवनशैली व्यवस्थापन र आयुर्बेदको माध्यमबाट यस्ता समस्याको न्यूनीकरण गर्न सकिने हुनाले कार्यक्रमको आयोजना गरिएको हो ।

शिविरमा बिहान ६ बजे ८ बजेसम्म कावासोती नगरपालिका तीन स्थित सिध्दार्थ आवासीय माबिको माथिल्लो भवन प्राङ्गणमा डा. योगी विकासानन्दको योग प्रशिक्षण साथै २१ गते बिहान ९ बजे देखि ४ बजेसम्म बिशेषज्ञ आयुर्वेद चिकित्सकहरु वाट निःशुल्क स्वास्थय परिक्षण निःशुल्क औषधी वितरण प्रयोगशाला सेवा सहित बिसेषज्ञ आयुर्बेद स्वास्थ्य शिबिर सञ्चालन गरिने कार्यक्रम छ ।