कास्की प्रहरीले भेटिएका मोबाइल तथा सवारीसाधन १५ दिनमै धनीलाई बुझाउने भएको छ । हराएका तथा चोरी भएका मोबाइल, मोटरसाइकल तथा स्कुटर प्रहरी समक्ष आईपुगेकोमा जिल्ला प्रहरी कार्यालय कास्कीले सम्बन्धित धनीलाई हस्तान्तरण गरिएको थियो । सोहि अवसरमा कार्यालयका प्रमुख एसपी दानबहादुर कार्कीले अबदेखि हरेक महिनाको १ गते र १५ गते त्यस्ता सामग्रीहरु धनीलाई बुझाउने जानकारी गराए ।
मोबाइल वा मोटरसाइकल स्कुटर हराएपछि प्रहरीलाई खबर गरिन्छ र प्रहरीले कस्तो तबरले खोजी गर्छ भन्ने कुरा कतिपय सर्वसाधारणलाई थाहा नभएको भन्दै उनले सर्वसाधारण माझ जानकारी गराउन पनि मिति तय गरेर काम गर्न लागेको एसपी कार्कीले उल्लेख गरे। सो अवसरमा विभिन्न १० थान मोबाइल सम्बन्धितलाई हस्तान्तरण गरियो ।
डम्प भएर थन्किएका सवारी सम्बन्धितलाई दिइने
एसपी कार्कीले प्रहरी कार्यालयहरुमा मोटरसाइकल स्कुटर जस्ता सवारीसाधनहरु डम्प भएर बसेको जनाउँदै त्यस्ता सवारीसाधन सम्बन्धित धनीलाई हस्तान्तरण गरिने बताए । ईञ्जिन, च्यासिस नम्बर, कागजपत्रका आधारमा धनीहरु पत्ता लगाएर हस्तान्तरण गर्ने उनको भनाई थियो । कार्यक्रममा हराएका स्कुटर र मोटरसाइकल फेला परेकोमा सम्बन्धित धनीलाई हस्तान्तरण गरिएको थियो । अनुसन्धान टोलीले फेला पारेका १० वटा मोबाइल, ४ वटा मोटरसाइकल र २ वटा स्कुटर आइतबार हस्तान्तरण गरिएको जिल्ला प्रहरी कार्यालय कास्कीका प्रहरी प्रवक्ता डिएसपी राजकुमार केसीले जानकारी दिए ।
अदालतसँगको समन्वयमा लागूऔषध सार्वजनिक रुपमा नष्ट गरिने
एसपी कार्कीले अदालतसँग समन्वय गरेर बरामद लागूऔषध सार्वजनिक रुपमा नष्ट गरिने बताए । अहिले अदालतले लागूऔषध नष्ट गर्दै आएकोमा अदालतसँग समन्वय गरेर छिट्टै सो कार्यको सुरुवात गर्ने एसपी कार्कीले बताए । लागुऔषध बरामद चाहिँ गर्ने, त्यसको समाचार आउने तर त्यो प्रहरीले के गर्छ भन्ने जनमानसको कौतुहलता रहेकाले पनि त्यस्तो लागूऔषध सार्वजनिक रुपमा नष्ट गर्ने सोच बनाएको उनले बताए ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
जीवनको मुक्ति साधना, सफलताका लागि कर्म अनिवार्यः प्रदेश प्रमुख भट्ट
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग