पोखरा । आइतबार बिहान गोरखाको पत्रकार महासंघका अध्यक्ष किशोरजंग थापाले दुई वटा फोटोसहित फेसबुकमा स्टाटस लेखे, ‘१२ किलो बारपाक सडक आयोजनाले समयमा १२ किलो छेपेटार बाटो मर्मत नगर्दा र निरन्तर को पानीले बटो थप खराब भएपछि आज स्कूल बस चल्न नसक्दा कुखुराको गाडीमा छेपेटारका बाल -बालिका स्कुल जाँदै ….. कुरो सम्बृद्दिको ।’

गोरखाका मानब अधिकारकर्मी यधुप्रसाद अधिकारीले कमेन्ट गर्दै लेखेका छन्, ‘किशोर जी सबै तिर बाटा बिग्रिएका छन् । मापदण्ड अनुसार निर्माण भएकने ठिक छ कि छैन भनेर जाँच्ने विज्ञ केन्द्रले नै छड्के रुपमा पठाए केही हुन्छ किरुनत्र भने पिच नसकिदै भत्किन शुरु हुन्छ ।’

सोही स्टाटसमा प्रतिक्रिया दिँदै नविन क्षेत्रीले कमेन्ट गरे, ‘बडो बिडम्बना छ सडक यातायातको । यति करोड आयो ,उति करोड आयो भन्छन,पैलो प्राथमिक सडक लाई किन दिदैनन भ्रष्ट नेताहरु ? बर्सौ अर्बाैँ रुपैँया दरौदी झै बगेको बगैछ । फोस्रा गफ हान्ने दिन गय,अब काम गर्नु पर्ने हो किन गर्दैनन । अनि हामी जनताको यो सास्ती किन देख्दैनन तिनका गोलभेडा आखाले ? १ बर्षको बजेट कनिका छरेको झै गर्यो अनि सकियो । बरु १ बर्षको पुरै बजेट बाटो लाई हाल महा मूर्ख हो ? यो बालबालिका स्कुलको बस आउन नसकेर कुखुरा बोक्ने ट्रकमा गयको देख्दा सार्है दुख लाग्यो ।’

दिपेन्द्र बगालेले थपे, ‘के गर्नु हजुर बाध्यता छ हामी अभिभावक लाई पनि, यो स्कुले बच्चालाई मात्र हिंड्न बनेको सडक मात्र होइन ।दिनहुँ सयौँको संख्यामा सवारी चल्ने बाटो यो गति छ । हामी त वाक्क दिक्क भाका छौँ । कहाँ बाट सुनुवाइ हुने हो ? एक दिन हैन येहि पारको काम गराईले त चार माहिना लाग्छ ।’

पत्रकार थापाले पोष्ट गरेका फोटो कुखुरा बोक्ने भ्यान चढेर सेण्ट मेरिज र सेण्ट जोसेफ विद्यालय जाँदै गोरखा छेपेटारका विद्यार्थीहरु थिए । बारकिलो छेपेटार सडक मर्मत सुरु भएपछि सो सडकमा बस सेवा बन्द भएको छ। बस नचलेपछि विद्यार्थी कुखुरा बोक्ने भ्यानमा चढेर विद्यालय जान भएका बाध्य हुन् ।

https://www.facebook.com/kishorjung.thapa.3/posts/2302696429776047