फोटो सौजन्य-मुस्ताङ लोवा
सूर्य तिमिल्सिना : चीनबाट सिमेन्ट बोकेर आएको माल बाहक ट्रक कोरला नाका नजिकै दुर्घटना हुँदा तीनजना घाइते भएका छन् । नेपाल चीनको सिमानाबाट पाँच किलोमिटर उत्तर तर्फ उक्त ट्रक दुर्घटनामा परेको हो ।
जिल्ला प्रहरी कार्यालय मुस्ताङका सूचना अधिकारी राजेन्द्र प्रसाद रेग्मीका अनुसार शनिबार देखि सुरु भएको अन्तर देशीय मेलाबाट सिमेन्ट लोड गरेर फर्कंदै गरेको ग १ ख ५५६० नम्बरको मालबाहक ट्रक लोमान्थाङ गाउँपालिका वडा नम्बर ४ स्थित नेचुङ खोलामा दुर्घटना भएको हो ।
जिल्ला प्रहरी कार्यालय मुस्ताङका अनुसार दुर्घटनामा लोमान्थङ गाउँपालिका ३ ठिङ्गर बस्ने ४९ वर्षीय घ्याचो गुरुङ गम्भीर घाइते भएका छन् । घाइते गुरुङको टाउको र कम्मर पछाडिको भागमा चोट लागेको छ । ट्रकमा सवार तनहुँ व्यास नगरपालिका १० बस्ने वर्ष २९ का विशाल क्षेत्री र ट्रकका चालक बाग्लुङ निसी गाउँपालिका ६ का वर्ष ३५ का श्यामलाल घर्तीमगर सामान्य घाइते छन् ।
समथर भूभागको नेचुङ भन्सार नजिकै उत्तरतर्फको नेचुङ खोला नजिक ब्रेक फेल भई ट्रक दुर्घटनामा परेको हो ।शनिबार देखि सुरु भएको ब्यापार मेला १० दिन सम्म चल्ने छ ।चीनतर्फ हुने उक्त मेलामा दुई देशका मानिसले आफ्नो ठाउँबाट उत्पादित खाद्यान्न,लत्ताकपडा,विद्युतीय सामान र निर्माण सामाग्री बिक्री गर्छन् ।
सम्बन्धित खबर
बन्दिपुरमा चितुवाको आक्रमणमा परी १० वर्षीया बालिकाको मृत्यु
गण्डकी विश्वविद्यालयको कुलपतिमा प्राडा तिवारी नियुक्त
पोखरामा शनिबार एमालेको बृहत् जागरण सभा
१० बर्षीया भागवत वाचिका अनुराधा पाण्डेयले आजबाट गण्डकी कोटिहोममा कथा प्रवचन सुरु गर्दै
तनहुँको भुजिकोट गाउँ चिनाउन नयाँ वर्षमा उकालो दौड प्रतियोगिता हुने
हेमजा महोत्सवमा आलु किन्नेको घुइँचो
यो पनि पढौँ
पोखरा पृथ्वीचोकमा ट्रकले ठक्कर दिँदा स्कुटरमा सवार शिवराजको मृत्यु
कास्कीमा हिमपहिरोमा हराइरहेका चिनियाँ नागरिकको शव फेला
पोखरामा पेट्रोल पम्प जोडिएको घरमा लागेको आगो समयमै निभाउँदा ठूलो क्षति टर्यो
रूपा तालबेसीमा रूखको ठुटोबाट निरन्तर पानी आउन थालेपछि स्थानीय चकित