बाँके : भारतीय गोर्खा सैनिक छनौटमा सहभागी युवाबाट रकम उठाउने पाँच जनालाई पक्राउ गरी ठगी मुद्दामा अनुसन्धान अघि बढाइएको छ । जिल्ला प्रहरी कार्यालय बाँकेका प्रहरी उपरीक्षक अरुण पौडेललेपक्राउ परेका पाँचजनालाई अनुसन्धानका लागि पाँच दिन म्याद थप गरिएको जानकारी दिए ।
चितवनको भरतपुर महानगरपालिका वडा नम्बर-७ का रामकाजी पाण्डे र अर्जुन पौडेल, कास्की पोखरा महानगरपालिका-१८ का सुजाता पाठक र शर्मिला अधिकारी तथा रुपन्देही तिलोत्तमा नगरपालिका-९ का निरबहादुर थापालाई नेपालगञ्जको होटल बाटिकाबाट पक्राउ गरिएको हो ।
उनीहरुले छनौटपछि लिखित परीक्षाको प्रश्नपत्र दिलाइदिने भन्दै रकम असुल गरेको पाइएको जिल्ला प्रहरी कार्यालय बाँकेका प्रहरी नायव उपरीक्षक प्रकाश सापकोटाले जानकारी दिनुभयो । भर्ना हुन आएका दुई जना युवाले लिखित जाहेरी दिएपछि प्रहरीले उनीहरुलाई पक्राउ गरेको हो ।
पक्राउ परेका व्यक्तिबाट ३८ लाख १० हजार रुपिया नगद बरामद गरिएका कारण धेरैजना युवाबाट रकम असुल भएको हुन सक्ने डिएसपी सापकोटाले बताए । जिल्ला प्रहरी कार्यालय बाँकेले ठगिएका युवायुवती र अभिभावकलाई निवेदनसहित सम्पर्कमा आउन सार्वजनिक अपिल गरेको छ । प्रहरी तालिम केन्द्र नेपालगञ्जमा असोज १६ देखि २१ गतेसम्म भारतीय गोर्खा सैनिकको प्रारम्भिक छनौट भएको थियो ।ujyaaloonline
सम्बन्धित खबर
कालीगण्डकी कोरिडोरको बागलुङ खण्डमा ७५ प्रतिशत काम सम्पन्न
म्याग्दीलाई उज्यालो जिल्ला घोषणा गर्ने तयारी
रविलाई थुनामा राख्न माग गर्दै उच्च अदालत पोखरामा निवेदन दर्ता
‘पोखरा एक्स्चेन्ज एण्ड टेस्ट ड्राइभ कार्निभल’ सम्पन्न, २ सय भन्दा बढीले गरे टेष्ट ड्राइभ
१२ औं क्यान इन्फोटेकको टाइटल स्पोन्सरमा ‘यूएनभी’
टाइगर कप भलिबल हेर्न अनलाइन टिकट व्यवस्था, थाइल्याण्ड र श्रीलंका टीम खेल्दै
यो पनि पढौँ
स्याङ्जाका निरजलाई आठौं पटक ठेलोको उपाधि
तनहुँमा बसबाट खसेर सहचालक पोखराका युवकको मृत्यु
गोवामा प्याराग्लाइडिङ गर्ने क्रममा दुर्घटना हुँदा नेपाली पाइलटसहित दुईजनाको मृत्यु
पर्वतको कुश्मामा कपास उद्योगमा आगलागी