काठमाडौं । राष्ट्रिय ध्वजाबाहक नेपाल वायुसेवा निगमले दुईवटा नयाँ वाइडबडी जहाज भित्र्याएको १ वर्षपछि पाएको नयाँ अन्तर्रा्ष्ट्रिय गन्तव्यको जापान उडान स्थगित भएको छ । निगमले आगामी असार १९ गतेदेखि तय गरेको जापानको ओसाका उडान करिब २ महिना पर सारेर अब भदौ १२ गतेदेखि मात्रै गर्ने भएको छ । निगमले उडान मिति तय गरेर यात्रु बुकिङ नभएको बहानामा जापान उडान एक महिना २६ दिन पर धकेलेको हो ।
जापान उडानको बुकिङ खुला गरेको ३ सातापछि बुकिङ नै कम भएको र जापान जाने आउने नेपालीको निम्ति अफ सिजनसमेत भएकाले पनि तय भइसकेको उडान स्थगित गर्नुपरेको वायुसेवा निगमका कार्यकारी अध्यक्ष मदन खरेलले जानकारी दिए । उनका अनुसार सुरुवाती उडान भएकाले सकेसम्म नाफा हुने गरी गर्नुपर्ने हुन्छ । यसका निम्ति करिब २ महिना सार्दा जापानी पर्यटक र नेपालीको आवतजावतको सिजन हुने खरेलको बुझाइ छ ।
निगमले असार १९ को लागि खुला गरेको टिकेट बुकिङ भने अपेक्षाभन्दा निकै कम आएको छ । वर्षा सकिए पनि दसैंको माहोल सुरु हुने र नेपालीको चहलपहल पनि बढी हुने विषयलाई दृष्टिगत गरेर काठमाडौं जापान उडान गर्न लागिएको पनि खरेलको भनाइ छ।
उनका अनुसार यस अघि घोषणा गरिएको असार १९ को समय उडान अनुमतिको आवेदन माग्न मात्र लिइएको हो। यसलाई केही सयम पछाडि सार्दा कुनै असर नपर्ने र जहाज उडानमा थप सहज हुन्छ। जापान उडान सुरु गरेपछि खाली उड्यो भने भन् ठूलो घाटा खानुपर्ने भएकाले अहिले नै सचेत भएर एक महिना अगाडि नै निर्णय गरिएको निगमको भनाइ छ।
This will close in 3 seconds
सम्बन्धित खबर
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
पोखरा -१५ मा तीज गीत प्रतियोगिता, माछापुच्छ्रे चौतारी आमा समूह पहिलो
स्वास्थ्यमन्त्री पाठकको पहिलो निर्णय : नसर्ने रोगको स्क्रिनिङ गर्ने
गण्डकीका पाँच वटै यातायात कार्यालयमा हेल्प डेस्क राख्ने निर्णय
गण्डकीका स्वास्थ्यमन्त्री: माओवादीको विरोध गर्दा ‘डेथ वारेन्ट’
बुवाको मुख हेर्ने दिनमा सफल दहीको शुभकामना सन्देश
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग