तनहुँ । तनहुँको गुणादिमा मोटरसाइकलको ठक्करबाट बालिकाको मृत्यु भएको छ । म्याग्दे गाउँपालिका वडा नम्बर १ तल्लो गुणादिमा मोटरसाइकलले ठक्कर दिदा स्थानिय बालिकाको मृत्यु भएको जिल्ला प्रहरी कार्यालय तनहुँका डिएसपी लिलाराज लामिछानेले जानकारी दिए ।

मृत्यु हुनेमा महेन्द्र मावि गुणादिमा अध्ययनरत म्याग्दे-१ रानीगाँउ बस्ने ५ वर्षीया निशा आले मगर रहेको प्रहरीले जनाएको छ ।

बालिकाको उपचारको क्रममा मृत्यु भएको प्रहरीले जनाएको छ । घटना लगत्तै बालिका लाई दमौली स्थित रत्नहरि अस्पतालमा ल्याइएको थियो ।

पोखरा बाट गोरखा तर्फ जाँदै गरेको प्रदेश ३-०२-००६ प २५२६ नम्बरको मोटरसाइकलले आलेलाई ठक्कर दिएको थियो ।

“तिव्र गतिका कारण बिजुलीको पोलमा मोटरसाइकल ठोकिएको जस्तो देखिन्छ”, डिएसपी लिलाराज लामिछाने बताए ।

मोटरसाइकल र मोटरसाइकल चालक प्रहरीको नियन्त्रणमा रहेको जिल्ला प्रहरी कार्यालय तनहुँले जनाएको छ ।