काठमाडौंः धनुषा प्रहरीले  एक लुटेरा समुहलाई नियन्त्रणमा लिएको छ ।  बुधवार राति लुट्ने योजना बनाएर भारतको समस्तिपुरबाट नेपाल छिरेका ८ जनालाई नियन्त्रणमा लिएको हो। प्रहरीले नियन्त्रणमा लिनको लागि गोलि समेत प्रहार गरेको छ ।

प्रहरीको गोली लागि एक भारतिय नागरिक घाइते भएको दुई नम्वर प्रदेश प्रहरी प्रमुख डिआइजी हरी पालले बताए। घाइतेको जनकपुर अस्पतालमा उपचार भइरहेको छ । उनीहरुले  जनकपुर उपमहानगरपालिका विहारकुण्ठ मन्दिरका महन्तमाथि लुटपाट गर्न र मन्दिरको सम्पति लुट्ने योजना बनाएर नेपाल छिरेको प्रहरीको प्रारम्भिक अनुसन्धानमा खुलेको छ ।

‘मन्दिरको रकम लुट्ने योजना बनाएर आएका थिए। हामीले पहिले नै सुचना पाएर मन्दिरमा निगरानी बढाएका थियौं। उनीहरुलाई नियन्त्रण लिन गोली प्रहार गर्नुपर्‍यो।’ डिआइजी पालले भने । प्रहरीले उनीहरुको साथबाट एक थान सिक्सर पोस्तोल, एक थान कटुवा पेस्तोल र छ राउण्ड गोली, भारतिय नम्वरको स्कुटि  समेत बरामद गरेको छ। घटनाको थप अनुसन्धान भइरहेको प्रहरीले जनाएको छ।