दाङ – दाङमा घरेलु रक्सी बनाउनेहरुले अन्नसँगै महिलाहरुले महिनावारीका बेला प्रयोग भएको प्याड, पुराना बोरा, जुत्ताचप्पल र पिसाबसमेत प्रयोग गरिएको भेटिएको छ । स्थानीयवासी, जनप्रतिनिधि, टोल विकास समितिका अगुवा, महिला र प्रहरीको संयुक्त सहभागितामा घोराही उपमहानगरपालिका वडा नम्बर ४ मा थालिएको घरेलु रक्सी हटाउने अभियानमा यस्तो भेटिएको हो ।
रक्सीका कारण समाजका झैझगडादेखि विभिन्न असामाजिक क्रियाकपाल भइरहेको ठहर गर्दै थालिएको समुदाय—प्रहरी साझेदारी कार्यक्रमअन्तर्गत वडाका विभिन्न टोलबाट जफत गरिएको घरेलु रक्सीमा त्यस्ता बस्तु भेटिएको अभियानमा सहभागी प्रहरी चौकी गोग्लीका इञ्चार्ज प्रहरी सहायक निरीक्षक बिष्णुबहादुर बुढाथोकीले जानकारी दिए ।
‘यो अभियान थाल्ने बेलामा हामीले कल्पनै नगरेका बस्तुहरु रक्सी बनाउन प्रयोग गरिएको भेटियो’, प्रहरी सहायक निरीक्षक बुढाथोकिले भने, ‘भन्न पनि लाज लाग्छ हेर्नुस् प्रयोग गरिएको प्याड, प्याज राखेका पुराना बोरा, फाटेका जुत्ता चप्पल र मानिसको पिसाबसमेत घरेलु मदिरा बनाउदा प्रयोग गरेको भेट्टायौँ ।’
अवैध रुपमा रक्सी उत्पादनले घरेलु हिंसा, समाजमा झै झगडा, स्वास्थ्यलाई असर र आर्थिक नोक्सानी हुने भन्दै त्यसलाई नियन्त्रण गर्न थालिएको घोराही उपमहानगरपालिका वडा नम्बर ४ का अध्यक्ष भीमबहादुर सार्कीले जानकारी दिए ।टोलीले अहिलेसम्म झण्डै ५ हजार लिटर अवैध रक्सी जफत गरेर नष्ट गरेको वडा अध्यक्ष सार्कीले जानकारी दिए । ujyaaloonline.com
This will close in 3 seconds
सम्बन्धित खबर
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
पोखरा -१५ मा तीज गीत प्रतियोगिता, माछापुच्छ्रे चौतारी आमा समूह पहिलो
स्वास्थ्यमन्त्री पाठकको पहिलो निर्णय : नसर्ने रोगको स्क्रिनिङ गर्ने
गण्डकीका पाँच वटै यातायात कार्यालयमा हेल्प डेस्क राख्ने निर्णय
गण्डकीका स्वास्थ्यमन्त्री: माओवादीको विरोध गर्दा ‘डेथ वारेन्ट’
बुवाको मुख हेर्ने दिनमा सफल दहीको शुभकामना सन्देश
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग