भक्तपुर : भक्तपुर नगरपालिका ५ टौमढीमा ५७ हजारमा एउटा बोका बिक्री भएको छ । सुन्दा अचम्म लाग्न सक्छ तर बुधबार ५७ हजार रुपैयाँ तिरेर बोका खरिद गरिएको हो। बिहीबार भक्तपुरका प्रजापति र केही समुदायबाहेकका नेपालभाषीले दुगु पूजा मनाउँदैछन्। सोही पूजाको लागि बुधबार उक्त बोका किनिएको हो। बोका हेर्दै लोभलाग्दो छ। मात्र ३० महिनाको उक्त बोकाको तौल ७५ किलो थियो।
भक्तपुर नगरपालिका ५ चासुखेलका कृष्णराम सुवालले ३० महिना लगाएर पालेका थिए ती बोका। उनले सोही उमेरको अर्को बोकासमेत बिक्री गर्न ल्याएका छन्। करिब ६३ किलोको उक्त बोकाको मूल्य भने ५५ हजार तोकिएको छ।
‘मसँग अरु चारपाँचवटा साना बोका बाँकी छन्’, बोकापालक सुवालले भने, ‘तिनीहरुलाई अर्को वर्षको दुगुपूजामा यत्रै बनाउनुपर्छ।’पहिल्यैदेखि बोका पाल्दै आएका उनले ५७ हजार रुपैयाँमा बोका बिक्री गरे पनि लागत मूल्यभन्दा सस्तो परेको सुनाए ।
‘तीस तीस महिनासम्म बोका पाल्न कम सजिलो छैन’, उनले थपे, ‘आफ्ना छोराछोरीलाई भन्दा बढी रेखदेख गर्नुपर्छ। दानापानीमात्रै खुवाएर पुग्दैन। बेला बेलामा औषधिमूलो पनि गर्नुपर्छ। सबै हिसाब गरियो भने ५७ हजार पनि कम पर्छ।’
भक्तपुरको टौमढीमा वर्सेनि दुगुपूजाको लागि आआफ्नो घरमा पालिएका बोकाहरु बिक्री गर्न ल्याउने परम्परा छ। यसबेला कसले बढी ठूलो र फूर्तिलो बोका ल्याउन सक्छ भन्ने एक किसिमको प्रतिस्पर्धासमेत चल्ने गर्दै आएको छ। यसरी बोका हेरी मोलतोल गर्ने सांस्कृतिक एवं परम्परागत दृश्य हेर्नु कम रोमाञ्चक हुँदैन । अन्नपूर्ण पोष्टका लागि ईश्वरकाजी खाइजूले समाचार लेखेका छन् ।
This will close in 3 seconds
सम्बन्धित खबर
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
पोखरा -१५ मा तीज गीत प्रतियोगिता, माछापुच्छ्रे चौतारी आमा समूह पहिलो
स्वास्थ्यमन्त्री पाठकको पहिलो निर्णय : नसर्ने रोगको स्क्रिनिङ गर्ने
गण्डकीका पाँच वटै यातायात कार्यालयमा हेल्प डेस्क राख्ने निर्णय
गण्डकीका स्वास्थ्यमन्त्री: माओवादीको विरोध गर्दा ‘डेथ वारेन्ट’
बुवाको मुख हेर्ने दिनमा सफल दहीको शुभकामना सन्देश
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग