न्युज २४ टेलिभिजनको विशेष कार्यक्रम ‘सीधाकुरा जनतासँग’को ३७३ औं एपिसोडमा विशेष रिपोर्टहरु प्रस्तुत गरिएको छ ।

१. भारतीयहरुले कसरी नेपाली नागरिकता लिन्छन् ? यस्तो छ
काठमाडौं । अहिले पनि भारतका धेरै नागरिकहरुले नेपालको

समेत नागरिकता लिएका छन् । भारतको बिहार राज्य स्थित लुरफुल्लापुर दरभंगाका अशोक गुप्ताले अशोक साहको नाममा नेपाली नागरिकता लिए । भारतको बिहार स्थित लत्तिफुल्लाहपुर ३ बेनिपुर दरभंगाबाट आधार कार्ड लिएका छन् । उनका पिताको नाम रवि साह छ । यिनै अशोक गुप्तालाई जिल्ला प्रसासन कार्यालय महोत्तरीले जन्मको आधारमा नेपाली नागरिकता दिएपछि नेपाली नागरिक अशोक साह बनेका छन् ।

२. काम विहीन छन् ‘पानीजहाज कार्यालय’का कर्मचारी !
काठमाडौं । प्रधानमन्त्री केपी शर्मा ओलीले पानी जहाजको सपनामा मात्रै देखाएनन् टिकट काट्ने दिन तोक्दै पानी जहाज कार्यालयको उद्घाटन समेत गरे । २०७४ पुस १६ मा प्रधानमन्त्री केपी शर्मा ओलीले पानी जहाजको टिकट काटेर कोलकत्ता जान निम्ता नै गरेका थिए । त्यसको एक बर्षपछि २०७५ फागुन २ गते ललितपुरको एकान्तकुनामा तामझामका साथ प्रधानमन्त्री ओलीले नेपाल पानी जहाज कार्यालयको उद्धाघटन गरे । प्रधानमन्त्री ओलीले पानी जहाजको टिकट काट्न निम्ता गरेको एक बर्षपछि खुलेको नेपाल पानी जहाज कार्यालयमा पुग्यौं । त्यस दिन कार्यालयका सबै कर्मचारी मिटिङका लागि भनि सिंहदरबार गएको भनियो ।

३. वीर अस्पतालमा १ पैसामा ब्लड प्रेसर जाँच्ने मेसिन र १ रुपैयामा ह्विलचेयर !
काठमाडौं । वीर अस्पतालमा खाद्यन्न मात्रै होइन, मेडिकल उपकरण समेत एक पैसा र एक रुपैयामै खरिद गर्न सम्झौता भएको छ । यस अघि वीर अस्पतालमा एक पैसामा अण्डा, एक रुपैयाँमा एक केजी चिनी, ५ लिटर तेलदेखि चना, तरकारी समेत एक रुपैयाँमै उपलब्ध गराउने गरि न्यु सुयोग इन्टरप्राइजेजसँग सम्झौता गरिसकेको छ । पुनः वीर अस्पतालका लागि आवश्यक मेडिकल तथा नन मेडिकल सामग्रीहरु एक रुपैयाँमै उपलब्ध गराउने भन्दै श्री श्रेष्ठ साइन्टीफिक टेड्रससँग सम्झौता गरेको छ । सामग्री खरिदका लागि भएको बोलपत्रमा श्री श्रेष्ठ साइन्टिफिक ट्रेडर्सले अधिकांश सामग्री १ रुपैयामा उपल्बध गराउन सक्ने देखाएको छ ।