पोखरा । मणिपाल शिक्षण अस्पतालको आयोजनामा गत शुक्रबारदेखि सञ्चालित प्रथम डिन कप २०१९ विहीबार समापन हुँदैछ । समापनका अवसरमा विभिन्न कार्यक्रम पनि हुँदैछन् ।

अस्पतालको २५ औँ वार्षिकोत्सवको अवसरमा गरिएको उक्त कार्यक्रममा म्यराथुन ,फुटबल, बास्केटबल, भलिबल, क्रिकेट, टेबलटेनिससहित बिबिध खेल प्रतियोगिता गरिएको कार्यक्रम संयोजक डा. युजल सुवेदीले जानकारी दिए ।

हामीले पोखरामा पर्यटन प्रवद्र्धन तथा डाक्टरहरुबीच परस्पर सम्बन्धको विकास गर्ने उद्देश्यले यो कार्यक्रम आयोजना गरेका हौँ । सुवेदीले भने, आजसम्म सम्पूर्ण प्रतियोगिता सम्पन्न भईसकेको छ । अब भोलि विजेता टीम तथा खेलाडीहरुलाई ट्रफी, मेडल र प्रमाणपत्र प्रदान गरेर कार्यक्रम समापन गर्ने छौँ ।’

कार्यक्रमका इभेन्ट म्यानेजर महेश्वर सिंह भण्डारीका अनुसार भोलि हुने समापन कार्यक्रममा माउन्ट एटएटफोरएट, डिमार्ज व्यान्ड, डिजे सेशन लगायतका टीमले साँस्कृतिक प्रस्तुति राख्नेछन् ।