पोखरा महानगरपालिका वडा नं. ५ मालेपाटनमा एक ब्यक्ति सुतिरहेको अवस्थामा मृत फेला परेका छन् । बर्दिया जिल्ला मोतिहार ३ बासगढी घर भई पोखरामा मान्छे छाड्न आएका ड्राइभिङ गर्ने मोतिलाल चौधरी आज बिहान मृत फेला परेका हुन् । स्थानीय शान्तिमार्ग स्थित ईन्दिरा कँडेलको घरमा सुतिरहेकै अवस्थामा उनको मृत्यु भएको हो ।

वडा प्रहरी कार्यालय बैदामका प्रमुख डिएसपी कोमल शाहका अनुसार चौधरी चालक हुन् । हिजो बर्दियाबाट मान्छे छाड्न पोखरा आएका थिए । पोखरा आईपुग्दा रात परेकाले यतै सुतेर विहानै ४ बजे बर्दिया फर्कने योजनामा थिए । बेलुकी चाँडै नै खाना खुवाएर घरको एउटा कोठाको भुईंमा ओछ्यान लगाएर सुताइएको थियो । तर, बिहान नउठेपछि हेर्दा मृत अवस्थामा फेला परेका थिए ।

डिएसपी शाहले अहिले चौधरीको आफन्तलाई कुरिरहेको जनाए । सुत्केरी खान बर्दिया गएका मोती सरा सिग्देल, बन्दना सिग्देल र शारदा सापकोटालाई लिएर चौधरी पोखरा आएका थिए ।

तस्विरः तीर्थ केसी