तत्कालीन संस्कृति पर्यटन तथा नागरिक उड्ययनमन्त्री रवीन्द्र अधिकारीको हेलिकप्टर दुर्घटनामा निधन भएपछि उनको निर्वाचन क्षेत्र कास्की–२ खाली भएको छ । सरकारले उपनिर्वाचनको मिति घोषणा गरेको त छैन तर सम्भावित उम्मेदवारबारे राजनीतिक वृत्तमा चर्चा परिचर्चा सुरु भइसकेको छ ।
सम्भावित उम्मेदवारको रुपमा उनकै पत्नी विद्या भट्टराई, नेकपा सचिवालय सदस्य बामदेव गौतमदेखि जिल्लाका नेतासम्मको नाम चर्चामा छन् । तर वामदेवले भने आफू नउठ्ने र रवीन्द्रको परिवारलाई प्राथमिकता दिइनुपर्ने स्पष्ट पारिसकेका छन् ।
आजको नयाँ पत्रिका दैनिकले सम्भावित उम्मेदवारमा विद्या भट्टराई, सोमनाथ अधिकारी प्यासी, धनराज आचार्य, तुलबहादुर गुरुङ र रश्मी आचार्यको नाम बढी चर्चामा रहेको खबर छापेको छ । यद्यपी विद्याले आफू उम्मेदवार नबन्ने संकेत गरेकी छिन् । बामदेवले पनि आँफू उम्मेदवार बन्न नसक्ने सामाजिक सञ्जाल मार्फत सार्वजनिक गरिसकेका छन् ।
यो अवस्थामा सबैभन्दा बढी सम्भावना सोमनाथ अधिकारीको रहने नेकपा भित्रैका नेताहरु बताउँछन् । नेकपा केन्द्रिय सदस्य राजकाजी गुरुङ करणले पनि दावी गर्न सक्नेछन् । उनी यसअघि यही निर्वाचन क्षेत्रको (ख) बाट प्रदेशसभा सदस्यको उम्मेदवार बनेका थिए । काँग्रेस उम्मेदवार विन्दुकुमार थापासँग पराजीत उनी यसपटक प्रतिनिधिसभामा उम्मेदवार बन्न सक्ने आँकलन नेकपा भित्रै भैरहेको छ ।
प्रमुख निर्वाचन आयुक्तमा प्रश्तावित दिनेशकुमार थपलियाले ३ महिनाभित्रै सबै रिक्त पदमा चुनाव गराउने प्रतिबद्धता जनाएका छन् । यसको मतलव नयाँ आर्थिक बर्ष नलाग्दै यहाँ चुनाव हुने सम्भावना छ । नेपाली काँग्रेसभित्र पनि उम्मेदवारको चर्चा सुरु भएको छ । अधिकारीसँग पराजीत यसअघिकै उम्मेदवार देवराज चालिसे पुनः उम्मेदवार बन्ने सम्भावना प्रवल छ । यद्यपी नयाँ उम्मेदवार खोज्नुपर्ने वहस पनि काँग्रेसभित्र भैरहेको छ ।
चालिसेको विकल्पमा नेता वीरेन्द्रनारायण विजुक्छे, सोभियतबहादुर अधिकारीको नाम पनि अगाडी छ । विजुक्छे हालका पार्टी सभापति शेरबहादुर देउवा निकट भएकाले पनि उनले टिकट पाउने सम्भावना धेरै रहेको उनी मार्काका नेताहरुको विश्लेषण छ । तर चालिसेलाई पनि धेरै नेताहरुको सहानुभुति रहेकोले उनले टिकट पाउने सम्भावना पनि उत्तिकै छ ।
श्रोतका अनुसार पहिलो, दोश्रो र तेश्रो गरेर उम्मेदवारको छलफल भएको छैन । तर तीनैजनाको सम्भावना उत्तिकै छ । यसबाहेक अन्य उम्मेदवार अघि सर्न सक्ने सम्भावना पनि छ । ति नामहरु चाहीँ सार्वजनिक गरिएका छैनन् ।
This will close in 3 seconds
सम्बन्धित खबर
पाँच दिनभित्र १९ अर्ब नबुझाए एनसेलको लाइसेन्स स्वतः रद्ध
सहरी योजना आयोगका उपाध्यक्ष र दुई सदस्यले मेयर आचार्यलाई बुझाए राजीनामा
पोखरा स्वास्थ्य विज्ञान प्रतिष्ठानमा एमबीबीएस पढाइ हुने
मित्रमिलन सहकारीको बचत फिर्ता योजनाको प्रस्ताव
सहकारीको हविगतमा पुग्दै एनआईसी एसिया
पूर्व सहकारी रजिस्ट्रार पराजुली १ करोड ५ लाख घुस खाएको खुलेपछि फरार
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग