तनहुँ : घर नजिकै बाख्रा चराउन गएका प्रेम बानियाँ भालुको आक्रमणबाट घाइते भएका छन् ।
बुधबार तनहुँको भानु नगरपालिका वडा नम्बर १३ का ६० बर्षीय बानियाँ भालुको आक्रमणबाट घाइते भएका हुन् ।
घर नजिकैको बनमा बाख्रा चराउन जाँदा भालुको आक्रमणबाट घाइते भएका बानियाँको उपचारका लागि पोखरा पठाइएको प्रहरीले जनाएको छ ।
घाईते बानियाको साप्रामा गहिरो चोट, टाउको, गाला र हातमा सामान्य चोट लागेको प्रहरीले जनाएको छ ।
थप उपचारको लागी बानियाँलाई गण्डकी मेडिकल कलेज पोखरा पठाइएको प्रहरीले जानकारि दिएको छ ।
भानु नगरपालिकाको ग्रामीण क्षेत्रमा पछिल्लो समय मानिस र जंगली जनावार बीच द्वन्द्व बढ्दै गएको छ । तीन जना बालबलिकाको ज्यान लिएको नरभंक्षि चितुवा मृत अवस्थामा भेटिएपनि गाउँ-गाउँमा अहिले भालुले आतंक मचाउन थालेको छ ।
भालु गाउँका घर घरमै गएर घरपालुवा जनावारलाई खुवाउन पकाएर राखिएको अन्नपात तथा कुखुरा समेत खाईदिने गरेको छ । यस्तै, भालुले मानिसलाई समेत आक्रमण गर्न थालेपछि भानु क्षेत्रका बासिन्दा आतंकित बन्न थालेका छन् ।
गत कार्तिक ७ गते घर नजिकैको सिखा जंगलमा घाँस काट्न गएका बेला भालुको आक्रमणमा परी भानु नगरपालिका–११ रुपाकोट खाल्टेका ४८ वर्षीय भीमबहादुर तामाङ घाइते भएका थिए । भालुको आक्रमणबाट हात भाँचिनुका साथै घाँटीमा ठूलो चोट लागेको थियो ।
त्यसपछि, माघ १९ गते घर बाहिर निस्केका बेला भानु नगरपालिका १३ मिर्लुङ स्थित खड्कागाउँमा भालुले आक्रमण गर्दा ६५ वर्षीय चिजबहादुर कुँवर घाईते बन्न पुगेका थिए । उनको पनि पोखरामै उपचार गरिएको थियो ।
प्रतिकात्मक तस्विर
http://gandaknews.com/bhalu-bhanu/
http://gandaknews.com/bhalu/
This will close in 3 seconds
सम्बन्धित खबर
घाँसीकुवामा फेरि पहिरो खस्यो, पृथ्वीराजमार्ग एकतर्फी सञ्चालन
मुग्लिन–पोखरा पश्चिम खण्डमा २० किमी दुई लेनको सडक कालोपत्रे पूरा
तनहुँमा गुडिरहेका ६ वटा गाडी ठोक्किए, ४ जना घाइते
छाब्दीबाराही मन्दिरको पुनर्निर्माण
आँबुखैरेनी-मुग्लिन सडकखण्ड सोमबार साढे ३ घण्टा बन्द हुने
मर्स्याङ्दीमा खसेको बसमा भारतीय नागरिक मात्रै सवार
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग