लण्डनकी एक महिलाले आफ्ना पूर्व श्रीमानकी नयाँ श्रीमतीलाई फेसबुकमा ‘घोडा’ भनेपछि दुबईमा दुई वर्षको जेल सजाय भोगिरहेकी छिन् । लाहे साहराभेस,५५, लाई दुबईको एयरपोर्टमा पक्राउ गरिएको हो । उनी आफ्ना पूर्व श्रीमानको अन्तिम संस्कारमा सरिक हुन दुबई गएकी थिइन् ।
सन् २०१६ मा आफ्ना श्रीमानले पुनः विवाह गरेको तस्बिरमा दुईवटा कमेन्ट गरेकी थिइन् । साहराभेसको १८ वर्षको वैवाहिक सम्बन्ध टुटेको थियो । उनी श्रीमानसँग आठ महिना संयुक्त अरब इमिरेट्समा बसेकी थिइन् ।
उनी छोरीसहित बेलायत फर्किइन् तर उनका श्रीमान् संयुक्त अरब इमिरेट्समा नै बसे । त्यसको केही समयमा उनीहरुको सम्बन्धविच्छेद भयो । साहराभेसले फेसबुकमा तस्बिर देखेपछि पूर्व श्रीमानले पुनःविवाह गरेको थाहा पाइन् । उनले ती तस्बिरमा दुईवटा कमेन्ट गरिन् जसमध्ये एउटामा उनले लेखिन्, ‘आशा गर्छु कि अब यो मूर्ख भूमिगत हुनुपर्छ । धिक्कार छ । मलाई यो घोडाको लागि छोडिस् ।’
संयुक्त अरब इमिरेट्सको कानून अनुसार सोसल मिडियामा कसैको मानहानी गरे जेल सजाय र जरिवानाको प्रावधान छ । दुबइमा पक्राउ परेकी उनलाई दुई वर्षको जेल सजाय र ५० हजार पाउन्ड जरिवाना हुनसक्छ । यद्यपि, उनले लण्डनमा बसेर फेसबुक पोष्टमा कमेन्ट गरेकी थिइन् ।
साहराभेसका पूर्व श्रीमानकी दुबईमा बस्ने नयाँ श्रीमतीले मुद्दा दर्ता गरेको बताइन्छ । गत मार्च १० तारिखमा हृदयघातबाट मृत्यु भएका पूर्व श्रीमानको अन्तिम संस्कारमा सहभागी हुन साहराभेस छोरीसहित संयुक्त अरब इमिरेट्स उडेकी थिइन् । साहराभेसलाई पक्राउ गर्दा उनकी १४ वर्षीया छोरी सँगै थिइन् । उनी एक्लै लण्डन फर्कनु परेको बताइन्छ ।
This will close in 3 seconds
सम्बन्धित खबर
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
पोखरा -१५ मा तीज गीत प्रतियोगिता, माछापुच्छ्रे चौतारी आमा समूह पहिलो
स्वास्थ्यमन्त्री पाठकको पहिलो निर्णय : नसर्ने रोगको स्क्रिनिङ गर्ने
गण्डकीका पाँच वटै यातायात कार्यालयमा हेल्प डेस्क राख्ने निर्णय
गण्डकीका स्वास्थ्यमन्त्री: माओवादीको विरोध गर्दा ‘डेथ वारेन्ट’
बुवाको मुख हेर्ने दिनमा सफल दहीको शुभकामना सन्देश
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग