पोखरा । पोखरामा औषधि बिक्री गर्ने फार्मेसी पसलबाट लागू औषध बिक्री हुने गरेको खुलेको छ । डाक्टरको अनुमति (प्रेस्किप्सन) बिना बेच्न नपाइने औषधि लागू औषधको रुपमा किनबेच गर्ने दुई जना पक्राउ परेका हुन् । प्रहरीले पोखरा महानगरपालिका–७ स्थित सुभेच्छा फार्मेसीबाट नियन्त्रित औषधि नियन्त्रणमा लिएपछि औषधि पसलबाट समेत लागू औषध बिक्री हुने गरेको खुलेको हो ।
लागू औषध नियन्त्रण व्यूरो, शाखा कार्यालय पोखराबाट खटिएको टोलीले विशेष सूचनाको आधारमा छापा मार्दा सुभेच्छा फार्मेसीबाट लागू औषध बरामद गरेको हो । ब्यूरोका अनुसार सुभेच्छा फार्मेसीबाट ट्रमाडोल २५ सय क्याप्सुल र एप्काडोल १ हजार ट्याब्लेज बरामद गरिएको छ ।
प्रहरीले नियन्त्रित औषधि बिक्री गर्ने ४० वर्षीया सुशीला पराजुली र खरिद गर्ने पोखरा–६ का २० वर्षी राजकुमार परियारलाई समेत पक्राउ गरेको छ । प्रहरीले परियारको साथबाट ट्रमाडोल १० ट्याबलेट बरामद गरेको छ । उनीहरुमाथि थप कारबाहीका लागि औषधि व्यवस्था विभाग काठमाडौंमा बुझाइएको प्रहरीको लागू औषध नियन्त्रण ब्यूरोले जनाएको छ ।
सम्बन्धित खबर
गण्डकीका स्वास्थ्यमन्त्रीको पहलमा बुर्तिबाङबाट गर्भवतीको हेलिकप्टरमार्फत उद्धार
पोखरेली युवा अनिल खड्काको लगानीमा चलचित्र “आयन्शRaa +” बन्ने
पर्वतीय दौडलाई पोखराका पर्यटन व्यवसायीले सघाउने
गण्डकी प्रदेश जिम्न्याष्टिक संघमा योगेन्द्र, कास्कीमा सोम
शान्ति निकेतनमा ‘ईन्टरहाउस म्याथ क्वीज’, कञ्चनजंघा प्रथम
करेन्ट लगाएर माछा मार्ने वडा सदस्य सहित पाँच जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग