लोकदोहोरी गायक शंकर पन्त र गायिका शुष्मा ठकुरीमा स्वरमा रहेको झ्याउरे गीत ‘हे माया’ सार्वजनिक भएको छ । म्युजिक नेपालको युटयुब च्यानलमार्फत गीतलाई डिजिटल बजारमा सार्वजनिक गरिएको हो । पन्तले गीतको शब्द र लय सिर्जना गरेका हुन् । ज्यान टाढा भएपनि मायालुको झ–झल्कोले सताएको भाव गीतमा उतारिएको छ ।
मायालुको यादले सातएर आँखाभरी उनैको तस्बिर घुमिरहने प्रसंगमा गीत आधारित छ । युवापुस्ताको माया प्रेमलाई गीतमा जोडबल गरेको छ । शंकर र शुष्मा दुवैजना तनहुँका कलाकार हुन् । उनिहरुले तनहुँबाटै लोकसंगीतको यात्रामा निरन्तरता दिईरहेका छन् । बजारमा रमाईला र छमछमी नाच्न मिल्ने भाकाको माग बढी भएकाले झ्याउरे भाका ल्याएको गायक पन्त बताउँछन् ।
‘आजकाल कलाकारहरुको आम्दानीको स्रोत भनेकै मेला महोत्सव र स्टेज कार्यक्रम हो’, उनले भने, ‘मेला महोत्सवमा आउने दर्शकहरु पिडा भुलेर रमाउने मुडमा हुन्छन् । यसैलाई मध्यनजर गरेर नयाँ सिर्जना ल्याएको हो ।’ गीत सार्वजनिक भएको छोटो समयमै युटयुबमा दर्शक मन जित्न सफल छ । गायिका ठकुरीले भनिन् , ‘युट्युबमा दर्शकको संख्या हेर्दा गीत सफल हुने देखिन्छ ।’
उनले फरक शैलीको गीत भएकाले सबैले मन पराएको बताईन । आशिष म्युजिक प्रालीले बजार व्यवस्थापन गरेको गीतको म्युजिक भिडियोको निर्देशन मौसम हिमालीले गरेको हुन् । शुक्लागण्डकीको भुरुङ्गेमा छायांकन गरिएको म्युजिक भिडियोको फिचरिङमा निर आले मगर र जुनिमा गुरुङ छन् । दुर्गा पौडेलले छायांकन गरेका भिडियोका दृश्यहरुमा नविन घर्ती मगरको सम्पादन छ ।
भिडियो :-
This will close in 3 seconds
सम्बन्धित खबर
गुमनाम विष्णु माझीले तीज गीत ल्याउँदै भनिन् – ‘आइन आमा यो तीजैमा’ [भिडियो]
‘यो देशमा बसेर दिन गन्ने मात्रै हो’ [भिडियो]
अनमोल र जसिताको ‘अन्तिम माया ‘ [भिडियो]
२१ वर्ष पछि लोकेन सुब्बाले ल्याए ‘कान्छी’ [भिडियो]
‘महाजात्रा’ को दोस्रो गीत ‘मुरी मुरी साथी’ सार्वजनिक (भिडियो)
मदन र मायाको `पिरैले सुकाउँछ ज्यान´ सार्वजनिक [भिडियो]
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग