पोखरा । स्याङ्जाको वालिङ नगरपालिका वडा नम्बर १४ मा एक जनाको शव भेटिएको छ । शनिबार नगरपालिकाको कोखे र डाङसिङ बिचको ठूलो चौर भन्ने स्थानका ५६ बर्षीय खड्क बहादुर श्रेष्ठको शव भेटिएको   हो ।  श्रेष्ठ मृत अवस्थामा रहेको भन्ने खबर प्राप्त हुनसाथ तत्कालै प्रहरी टोली पुगेर घटना बारे थप अनुसन्धान गरिरहेको जिल्ला प्रहरी कार्यालयले जनाएको छ ।
अबैध भरुवा बन्दुक प्रहरीलाई
मादी गाँउपालिका वडा नम्बर २ का एक ब्यक्तिले भरुवा बन्दुक प्रहरीलाई बुझाएका छन् । शनिबार स्थानीय ८२ बर्षीय जोक बहादुर गुरुङले एक थान बन्दुक अस्थायी प्रहरी चौकी सिल्दुजुरेमा बुझाएका हुन् ।
गुरुङसँग बन्दुकको लाईसेन्स छैन । हाल उक्त बिषयमा थप अनुसन्धान भईरहेको प्रहरीले जनाएको छ ।

तनहुँको नारीघाटमा बस र ट्रक ठोक्किँदा ट्रक चालक सहित १६ जना घाइते

तनहुँको नारिघाटमा बस र ट्रक ठोक्किँदा ट्रक चालक सहित बसमा सवार १६ जना घाइते भएका छन । शनिबार पृथ्वी राजमार्ग अन्तरगत तनहुँको आबुखैरेनी गाउँपालिका वडा नं-२ नारीघाटमा बस र ट्रक ठोक्किँदा १६ जना घाइते भएका हुन् । आबुखैरेनीबाट डुम्रे तर्फ आउदै गरेको ना ५ ख ८१७६ नम्बरको बस र डुम्रेबाट आबुखैरेनी जादै गरेको ना ६ ख ६१६३ नम्बरको ट्रक एकआपसमा ठोक्किदा उक्त दुर्घटना भएको हो । बस, ट्रक र बस चालक प्रहरीको नियन्त्रणमा रहेको छ ।