किरण श्रेष्ठ, तनहुँ । तनहुँको व्यास नगरपालिकाले नगर भित्र रहेका ६ वटा कृषि समुहहरु लाई हाते ट्याक्टर वितरण गरेको छ । सोमबार एक कार्यक्रमकाबीच नगरपालिका अन्तरगतको कृषि शाखाले व्यवसायिकरण तर्फ उन्मुख ६ वटा कृषि समुहहरुलाई ६ वटा हाते ट्याक्टर वितरण गरेको हो ।
नगरपालिकाको ५० प्रतिशत अनुदानमा उनीहरुलाई सो ट्याक्टर वितरण गरिएको व्यास नगरपालिकाका कृषि शाखा प्रमुख विश्वराज वाग्लेले जानकारी दिए । वार्षिक स्विकृत कार्यक्रम अनुसार व्यास नगरपालिकाबाट अनुदानमा हाते ट्याक्टर वितरण गरिएको उनले बताए ।
ट्याक्टरलाई ८० हजार र हिलाउने र ड्याङ बनाउने लाई २० हजार रुपैया पर्दछ । जसमा नगरपालिकाले ५० हजार र कृषकले ५० हजार हाल्नुपर्नेछ ।
व्यास नगरपालिका वडा नं १ को नव आदर्श मादि गंगा सामुदायिक समुह, व्यास-४ को सिमलटार कृषि समुह, व्यास-२ का कासी राम दरै, व्यास-७ को सृजन शिल मिश्रित कृषि समुह, व्यास-८ को बर्लाची कृषि सामुदायिक समुह र व्यास-११ को शहनसिल कृषि समुहले ट्याक्टर पाएका हुन् ।
२२ वटा निवेदन परेका मध्ये छनौट गरेर उनीहरु ६ जनालाई ट्याक्टर वितरण गरिएको वाग्लेले बताए । उनका अनुसार हाते ट्याक्टरले १ दिनमा ५/६ हलसम्मको खेत जोत्ने काम गर्दछ । कृषिमा यन्त्रीकरण, व्यवसायिकरण र बजारीकरण गर्नुपर्ने भन्दै यसका लागि किसानलाई सहयोग गरिएको उनको भनाई छ ।
ट्याक्टर वितरण गर्दै व्यास नगरपालिकाका प्रमुख वैकुण्ठ न्यौपानेले कृषकलाई प्रोत्साहन स्वरुप प्रदान गरिएको ट्याक्टरको सही सदुपयोग गर्नु पर्ने बताए । चालु आर्थिक वर्षमा व्यास नगरपालिकाले ४९ लाख ३० हजार रुपैया कृषिमा विनियोजन गरेको छ ।
उत्पादन बढाउने र कृषिमा लागत घटाउने उद्धेश्यले किसानहरूलाई हाते ट्याक्टर (मिनीटिलर) प्रदान गरिएको नगरपालिकाले जनाएको छ । नगरपालिकाको कृषि शाखाले कृषिमा यन्त्रीकरण गर्न नगरपालिका क्षेत्र भित्रका कृषि समुहहरुलाई ५० प्रतिशत अनुदानमा हाते ट्याक्टर वितरण गरेको हो ।
नगरपालिकाबाट गतबर्ष ३ वटा हाते ट्याक्टर वितरण गरेको कृषि शाखा प्रमुख वाग्लेले बताए । गोरुले जोत्दा दिनभर लाग्ने भए पनि ट्याक्टरले जोत्दा एक हल खेत डेढ घण्टामा सकिन्छ ।
यसले गर्दा कृषिको उत्पादनमा लागत घटाउँछ । कृषि उत्पादनमा यस्ता सामग्रीले सघाउ पुर्याउने उनले उल्लेख गरे । ट्याक्टरको सामाग्री विग्रिएमा तुरुन्तै मर्मत गरिदिने हाते ट्याक्टर विक्रेता कम्पनि श्रेष्ठ एग्री प्रालिले जनाएको छ ।
नगरपालिकामा ट्याक्टर लिन आएकी व्यास नगरपालिका– ११ बेलटारी स्थित शहनसिल कृषि समुहकी अध्यक्ष कृष्णदेवी बस्नेतले गोरुले दिनकै २ हजार भन्न थालेको अवस्थामा हाते ट्याक्टरले धेरै सहयोग पुग्ने बताइन ।
सानो सानो गरामा समेत जोत्न मिल्ने भएको हुदा हाते ट्याक्टर अति नै उपयोगी हुने देखिएको उनले बताइन । त्यस्तै व्यास-११ बेलटारि बाटै आएकी निरा थापाले हाते ट्याक्टरले खेतिपातिमा धेरै सहयोग पुर्याउने आशा लिएको बताइन ।
त्यस्तै व्यास-७ बाट आएका हरि बहादुर गुरुङले हाते ट्याक्टर पाएपछि खुशी लागेको बताए । “म कृषक हु, अब हाते ट्याक्टर पाएपछि झनै सहयोग हुने भएको छ,” उनले भने ।
“गोरु र हली खोज्दा नपाइने र पाए पनि महंगो हुने भएपछि ट्याक्टर लिन आएको गुरुङले बताए । उनले भने– ‘खेती गर्न समस्या हुँदै आयो, भनेको बेलामा न गोरु पाइन्छ, न त हली नै ।’ हाते ट्रयाक्टरमार्फत आफ्नो खेत बारी जोत्ने काम गर्ने र बचेको समयमा अरुलाई समेत कम मूल्यमा प्रयोग गर्न दिने सोच छ उनले भने ।
This will close in 3 seconds
सम्बन्धित खबर
घाँसीकुवामा फेरि पहिरो खस्यो, पृथ्वीराजमार्ग एकतर्फी सञ्चालन
मुग्लिन–पोखरा पश्चिम खण्डमा २० किमी दुई लेनको सडक कालोपत्रे पूरा
तनहुँमा गुडिरहेका ६ वटा गाडी ठोक्किए, ४ जना घाइते
छाब्दीबाराही मन्दिरको पुनर्निर्माण
आँबुखैरेनी-मुग्लिन सडकखण्ड सोमबार साढे ३ घण्टा बन्द हुने
मर्स्याङ्दीमा खसेको बसमा भारतीय नागरिक मात्रै सवार
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग