पोखरा । नवलपरासीमा ७२ बर्षीय बृद्ध मृत अबस्थामा फेला परेका छन् । शुक्रबार नवलपरासीको बिनयी त्रिबेणी गाँउपालिका वडा नम्बर २ का ७२ बर्षीय दिल बहादुर बि.क मृत अबस्थामा फेला परेका हुन् । बि.कलाई सोहि ठाउँका हेमलाल गुरुङको गोठमा मृत अवस्थामा फेला पारेको प्रहरीले जनाएको छ । हाल घटनाको विषयमा थप अनुसन्धान भईरहेको छ ।

उपचारकै क्रममा भारतिय नागरिकको मृत्यु

पोखरा । मुस्ताङमा मुक्तिनाथ मन्दिर दर्शन गरेर फर्कँदै गरेका एक भारतीय नागरिकको मृत्यु भएको छ । मन्दिर दर्शन गरेर फर्केका अन्दाजी ६५ बर्षीय भारतिय नागरिक KANAPPAN VAITHILINGAM को बिहिबार मृत्यु भएको हो ।

  मन्दीर दर्शन गरेर बुधबार घरपझोङ गाँउपालिका वडा नम्बर ३ जोमसोममा रहेको हिमालय ईन होटलमा आएर बसेका  VAITHILINGAM  को बिहिबार अचानक बिरामी भएपछि उपचारकै क्रममा मृत्यु भएको प्रहरीले जनाएको छ । उनलाई उपचारका लागि जिल्ला अस्पताल जोमसोम लगिएको थियो । घटना भएको खबर पाए लगत्तै घटना स्थलमा पुगेको प्रहरीले हाल थप अनुसन्धान गरिरहेको जनाएको छ ।

बागलुङमा पहिरोमा पुरिएर तीन जना घाईते

पोखरा । बागलुङमा पहिरोमा पुरिएर तीन जना घाईते भएका छन् । बिहिबार सडक खण्ड फराकिलो बनाउनका लागि श्रमदान गर्न गएका बागलुङको काठेखोला गाँउपालिका वडा ८ लेखानि कर्लिमारेमा पहिरो जाँदा स्थानीय तीन जना पुरिएर घाईते भएका हुन् ।

भित्री सडक खण्ड फराकिलो बनाउनको लागि गाउँपालिकाको वडा नम्बर ५ स्थित आर्मीको अर्जुन बाँण गण घोडाबाँधेमा बाटो खन्न सहयोग गर्न गएका थिए । बाटो खन्न सहयोग गर्न गएका स्थानीय बाटो खन्दा खन्दै अचानक गएको पहिरो पुरिएपछि घाईते भएका प्रहरीले जनाएको छ ।

घाईते भएका तीनै जनालाई तत्काल उद्दार गरि उपचारको लागी अञ्चल अस्पताल धवलागिरी बागलुङ तर्फ पठाएकोमा घाइते मध्येका २ जनालाई थप उपचारका लागी काठमान्डौ पठाईएको छ । घटनाका विषयमा थप अनुसन्धान भईरहेको छ ।