बिहिबार, ६ मंसिर २०८१

गण्डक न्यूजमा यहाँलाई हार्दिक स्वागत छ ।

गण्डक न्यूज डटकम सन् २०१७ देखि सञ्चालित प्रेस काउन्सिलमा सूचीकृत र सूचना विभागमा दर्ता गरिएको गण्डक नेपाल मिडिया (प्रा.) लि. को अनलाइन न्यूज पोर्टल हो । मूख्यतः यस प्रदेशको गतिविधिमा केन्द्रित रही पोखराबाट सञ्चालनमा रहेको छ ।

गण्डक न्यूज ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गरिरहेको छ । यो निरपेक्ष रुपमा निष्पक्षताको नारा दिएर अघि बढेको छ । ‘हामी कोहि एक्लैको होइनौं, हाम्रो कोहि एक मात्र छैन’ भन्ने मूलमन्त्र आत्मसात् गरी समाचार सम्प्रेषण गरिरहेको छ ।

गण्डक न्यूज बारे

जहाँ बाख्रा चुनाव जितेरै मेयर बन्छ !

गण्डक न्यूज शुक्रबार, ८ चैत्र २०७५

गण्डक न्यूज

८ चैत्र २०७५

एजेन्सी– अमेरिकाकाे बरमाेन्ट स्थित फेयर हेवन शहरमा एक बाख्रालाई मेयर बनाइएकाे छ । चुनाव मेयरका लागि उक्त बाख्राविरुद्ध १५ वटा अन्य जनावर उम्मेदवार थिए र अन्तिममा तीन बर्षकाे लिंकन नामकाे याे बाख्रा शहरकाे मेयर बन्याे । अब लिंकन शहरमा हुने कार्यक्रममा चिफ गेस्ट भएर जाने र कार्यक्रमकाे उद्घाटन गर्नेछ ।

२ लाख ५० हजार जनसंख्या भएकाे याे शहरमा भएकाे मेयरकाे चुनावमा उम्मेदवार भएका १५ जनावरमध्ये अन्तिममा लिंकन र सेमी नामकाे कुकुरबीच प्रतिस्पर्धा भएकाे थियाे ।

फेयर हेवनमा मेयर बाख्रा भएका कारण प्रबन्धक जोसेफ गन्टरले प्रशासनिक कामकाजको जिम्मेवारी सम्हाल्छन् । तर सबै ठूला इभेन्ट्समा लिंकनको उपस्थिति आवश्यक छ । मेयर पदमा एक वर्ष बसेपछि मेमोरियल डे परेडमा पनि यही बाख्रालाई नै प्रमुख अतिथि बनाइन्छ । बाँकी अधिकारी उसँग स्टेजमा सहभागीमात्रै हुनेछन् ।

किन बाख्रालाई मेयर बनाइयो ?

गन्टरका अनुसार एक जनावरलाई शहरको मेयर बनाउने आइडिया उनलाई मिसिगन राज्यले दिएको थियो । जहाँ अधिकारीहरु चन्दा जुटाउन जनावरलाई अधिकारीको पद दिइरहेका थिए । यसमा गन्टरले पनि जनावरको लोकप्रियता चन्दा जुटाउन प्रयोग गर्ने फैसला गरे ।

उनले अहिलेसम्म बच्चाको खेलमैदान बनाउन १०० डलर चन्दा जुटाइसकेका छन् । गन्टरका अनुसार उनले केही समयपछि आफ्नो योजना र उद्देश्य सबैको अगाडि लैजाने र सबै शहरबासीलाई सामाजिक कार्यका लागि एकजुट गराउनेछन् ।