शुक्रबार मुम्बईको आकाशमा दुई विमान दुर्घटनाबाट बडो मुस्किलले जोगिएका छन् ।

दुईमध्ये एक संयुक्त अरब इमिरेट्स ९यूएई०को आबुधाबीबाट काठमाडौंतर्फ आइरहेको इतिहाद एयरबस ३२० ९इवाई २९०० विमान थियो भने अर्को हो चि मिन्हबाट पेरिस लागिरहेको एयर फ्रान्स बोइङ ७७७ ९एएफ २५३० ।

आ–आफ्ना गन्तव्यमा दिउँसो १ः४० मा उडिरहेका दुई विमानमा अचानक ट्राफिक कोलिजन अभोइडेन्स सिष्टम्स् ९टीसीएएस० चेतावनीमूलक संकेत देखापर्‍यो । संकेतमा विपरीत दिशाबाट उडिरहेका जहाज ठोक्किन सक्ने जोखिम औंल्याइएको थियो ।

“दुई विमान तीन नटिकल माइल्स ९झण्डैं ५।५५६ किलोमिटर०को फरकमा थिए, यो भनेको केही सेकेण्डको कुरा मात्र हो”, स्रोतलाई उद्धृत गर्दै भारतको ुटाइम्स अफ इण्डिया डटकमुले लेखेको छ ।

स्रोतका अनुसार, घटना हुनुभन्दा अघि एयर फ्रान्स ३२,००० फिट उचाईंमा उडिरहेको थियो भने इतिहाद ३१,००० फिटमा ।
तर, विमान मुम्बई आकाशमा आइपुगेका बेला विमानस्थलका एयर ट्राफिक कन्ट्रोलरले इतिहाद विमानलाई ३३,००० फिटको उचाईं लिन निर्देशन दिए।

ठीक त्यही बेला दुई विमान आपसमा ठोक्किने अवस्था आएको थियो । धन्य, त्यही समय टीसीएएसको चेतावनी आयो । र, ठूलो संकट टर्‍यो ।
घटनापछि मुम्बईका एयर ट्राफिक कन्ट्रोलरलाई हटाइएको छ । र, थप अनुसन्धान थालिएको अधिकारीहरूले बताएका छन् ।
तर, घटनाको प्रमुख कारण भने पाकिस्तानले आफ्नो आकाशमा अन्तर्राष्ट्रिय विमान उडानमा लगाएको प्रतिबन्ध ठानिएको छ । पाकिस्तानी आकाश प्रयोग गर्न नपाएका कारण विमानको चाप भारतीय आकाशमा परेको छ ।
भारत शासित काश्मीरको पुलवामा आतंककारी आक्रमणपछि द्विपक्षीय द्वन्द्वका कारण २७ फेब्रुअरीदेखि पाकिस्तानले आफ्नो आकाशमा यस्तो प्रतिबन्ध लगाएको हो ।