पोखरा । राष्ट्रिय प्रजातन्त्र पार्टीको मेची–महाकाली स्वाभिमान यात्रा लिएर अध्यक्ष कमल थापा पोखरा आएका छन् । फागुनको १५ गते पुर्वको ताप्लेजुङ जिल्लाको पाथीभरा मन्दिरबाट शुरु गरिएको यो यात्रा पश्चिम महाकालीको कञ्चनपुर हुँदै पोखरा आई पुगेको हो ।
कार्यक्रमलाई सम्बोधन गर्दै पार्टी अध्यक्ष कमल थापाले हिन्दू राष्ट्र कायम गर्न र लोकतन्त्रसहितको राजसंस्था स्थापना गर्नका लागि आफ्नो पार्टीले स्वाभिमान यात्रा थालेको प्रस्टाए । सो यात्राले गाउँघर ब्युँझने र जनताहरु जागरुक हुने थापाले विश्वास व्यक्त गरेका छन् ।
‘विदेशीहरुको दवावमा परेर राजनीतिक दलका नेतृत्वले हिन्दू धर्मको वेवास्ता र राजसंस्थालाई विस्थापित गरेका छन् ।’ उनले भने ।
उनले १२ वर्षे राजनीतिक अभ्यासमा राष्ट्रिय विखण्डन, गरिवी र बेरोजगारी समस्या, लोकतन्त्रको नाममा लुटतन्त्र, धर्म र संस्कृतिमाथि प्रहार, सर्वसत्तावादी सोंच र पुनः माओवादी शक्तिको उदय गराएको उल्लेख गरे ।
‘माओवादीलाई शान्तिको मूलधारमा ल्याउने वहानामा मुलुकबाट राजसंस्था र हिन्दू राष्ट्र खोसिएको छ,’ उनले भने, ‘देश हिन्दू राष्ट्र बन्नुपर्छ । राजसंस्थालाई कायम राख्नुपर्छ ।’
‘स्वाभिमान कुनै दल विशेष र धर्मको विरोधमा होइन,’ उनले भने, पार्टीले उठाएको एजेण्डालाई स्थापना गर्नका लागि हो । धर्म निरपेक्ष होइन, सापेक्ष बन्नुपर्छ । देशमा सापेक्ष हिन्दू राष्ट्र कायम हुनुपर्छ । धर्म निरपेक्षताले द्धन्द्ध निम्त्याउँछ ।’ अर्का नेता राजेन्द्र लिङ्देनले राष्ट्रिय पहिचानलाई राज्यले बचाउनुपर्नेमा जोड दिए ।
सम्बन्धित खबर
स्याङ्जामा विविध कार्यक्रमसहित संविधान दिवस मनाइयो
संविधान दिवस : तिलडाँडा सामुदायिक वन वाटिकामा वृक्षारोपण
नेपालमै पहिलो पटक पोखरामा इन्टरनेशनल बलुन फेस्टिभल हुने
बागलुङका स्वास्थ्य संस्थामा डेङ्गी परीक्षण किट अभाव
कास्की जिल्ला शुटिङ संघको अध्यक्षमा राजु श्रेष्ठ
सयौं च्याङ्ग्रा लिएर कहाँ गायब भए मुन्ना ? सँगै पोखरा झरेका च्याङ्ग्राधनी खोजेको खोज्यै
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग