मुस्ताङ– गत फागुन १५ गतेदेखि लगातार परेको हिमपातका कारण मुस्ताङको माथिल्लो भेगमा १२ सय भन्दा बढी पशु चौपाया मरेका छन् ।

लामो समयसम्म लगातार हिमपात परेको कारण चिसामा कठ्याङग्रिएर पशु चौपायाहरु मरेको स्थानीयले जानकारी दिए ।

लगातारको हिमपातका कारण लोमान्थाङ गाउँपालिकामा ८ सय ८८ भेडा च्याङ्ग्रा, २ सय ३९ चौरी, थासाङ गाउँपालिकाका ८ वटा चौँरी मरेको हो ।

उक्त पशु चौपाया मर्दा स्थानीय कृर्षकहरुलाई करीब २ करोड रुपैँयाको क्षति भएको प्रहरीले जनाएको छ ।

घटनाको थप अनुसन्धानका लागि मुस्ताङका हिमपात प्रभावित क्षेत्रहरुमा प्रहरीको टोली परिचालन गरिएको सीमा प्रहरी चौकी लोमान्थाङले जनाएको छ ।

लोमाङथाङ गाउँपालिकाका कार्यकारी अधिकृत सुशील अर्यालले प्रहरी तथा प्रभावित क्षेत्रका जनप्रतिनिधिहरुको सक्रियतामा क्षति विवरण संकलन कार्य सुरु गरिएको बताएका छन्  ।

तस्विरः निरज थकालीको फेसबुकबाट