तनहुँ । जिल्ला प्रहरी कार्यालय तनहुँले खुकुरी लिई कुटपिट तथा तोडफोड गर्दै हिड्ने ५ जना पक्राउ लाई पक्राउ गरेको छ ।

गत शुक्रबार साँझ ५:३० बजेको समयमा जिल्ला तनहुँको व्यास नगरपालिका वडा नं ३ स्थित केहर सिंह आले (बादल)ले संचालन गर्दै आएको ईमेज मोवाईल सेन्टरमा खुकुरी लिई कुटपिट तथा तोडफोड गर्दै हिड्ने ५ जना लाई प्रहरीले पक्राउ गरेको हो ।

आले लाई उनको पसलमा रुपेश सुनार समेतका व्यक्तिहरु अनाधिकृत रुपमा प्रवेश गरी मोबाईल पसल संचालक केहर सिंह आले (बादल) र कामदार बुद्धि बहादुर थापालाई कुटपिट गरी पसलमा तोडफोड गरेका थिए ।

ईमेज मोवाईल सेन्टरका संचालक केहर सिंह आले (बादल) ।

घटनाको जानकारी प्राप्त हुना साथ आवश्यक मद्दत सहित प्रहरी टोली खटिई गई पिडितहरु सँग समन्वय गरी घटनामा संलग्न व्यक्तिहरुको खोजतलास गर्दा भाग्दै गरेको अवस्थामा घटनास्थल वरपरको बाट ५ जना लाई पक्राउ गरिएको प्रहरीले जनाएको छ ।

पक्राउ पर्नेहरुमा तनहुँको व्यास नगरपालिका वडा नं ५ मोचाबारि बस्ने वर्ष १८ को किरण थापा, सोहि स्थान बस्ने वर्ष १८ को बिष्णु थापा, वर्ष १८ को मदन थापा, वर्ष १८ को साजन राना र वर्ष १८ रुपेश सुनार रहेको जिल्ला प्रहरी कार्यालय तनहुँका प्रहरी नायव उपरीक्षक श्यामु अर्यालले जानकारी दिए ।

उनिहरु लाई पक्राउ गरी जिल्ला प्रशासन कार्यालय तनहुँबाट म्याद थप अनुमति लिई थप अनुसन्धान भईरहेको जिल्ला प्रहरी कार्यालय तनहुँले जनाएको छ ।