पोखरा । पोखरामा तीन दिनसम्म लगातार प्याराग्लाइडिङ दुर्घटना भएपछि नागरिक उड्डयन प्राधिकरण पोखरा कार्यालयले सोलो उडान बन्द गरेको छ । विदेशी पाइलटले तोकिएको एयर स्पेसभन्दा बाहिर गएर प्याराग्लाइडिङ गर्दा दुर्घटना बढेको भन्दै कार्यालयले उडान बन्द गरेको हो ।

कार्यालयले मंगलबार सूचना प्रकाशित गरी अर्को सूचना जारी नहुँदासम्म उडान बन्द गरेको जनाएको छ । मनोरञ्जनात्मक उड्डयन नियमावली २०६९ को दफा १७ को व्यवस्था अनुसार प्याराग्लाइडिङ कम्पनीले सञ्चालन प्रमाणपत्र लिन्छन् । विदेशी नागरिकले गैरव्यावसायिक उडान भर्न चाहेमा ५ हजार रुपैयाँ शुल्क बुझाउनुपर्छ । उनीहरुले १५ दिनलाई उडान अनुमति पाउँछन् । उड्न चाहने विदेशीले नेपालकै कम्पनी मार्फत आवेदन दिनुपर्छ । कम्पनी मार्फत उडान अनुमति लिएका सोलो पाइलटले तोकिएको एयर स्पेश र सर्त बमोजिम उडान नगरेको प्राधिकरणका पोखराले विज्ञप्तीमार्फत जनाएको छ ।

उडान सुरक्षालाई दृष्टिगत गरी थप जनधनको क्षति हुन नदिन केही दिनलाई उडान रोकिएको ।