कृशल कंडेल र सेड्रिना शर्मा अभिनीत ‘ओढेर घूङ्घट’ बोलको गीतले किर्तिमानी रेकर्ड बनाएको छ । युट्युब रिलिजको करीब २४ घण्टामा नै गीतमाथि साढे ४ लाख बढीको नजर परेको छ । सम्भवतः यसअघि कुनै म्यूजिक भिडियोले रिलिजको २४ घण्टामा यति भ्यूअर्स बटुल्न सकेको थिएन ।

कृशल कंडेलको स्वर रहेको गीतमा अर्जुन पोखरेलको संगीत र नृपेश उप्रेतीको शब्द रहेको छ । कोरियोग्राफी तेन्जु योञ्जनको रहेको छ भने समायोजन गोपाल रसाईलीको रहेको छ । यो म्युजिक भिडियोलाई दिपक आर्चायले निर्देशन गरेका हुन् ।

अर्जुन तिवारीले खिचेको भिडियोलाई चन्दन दत्तले सम्पादन गरेका छन । नेपाल आइडल दोस्रो सिजनमा टप ८ मा पुग्न सफल कृशल र ‘नाई न भन्नु ल ५’ मा अभिनय गरेपछि सेड्रिना शर्मा चर्चामा छन् । दुईले दर्शकबाट क्यूट जोडीको उपमा पाएका छन् ।

क्रिशल युवापुस्ता माँझ निक्कै लोकप्रिय बनेका छन्। अभिनय गर्न माहिर क्रिशल सानै देखि गीत गाउन पनि रुचाउथ्ये । कुनै नायक भन्दा कमि नरहेका क्रिशल फिल्मी छेत्रमा आफ्नो पहिचान बनाउने पक्का देखिन्छन। त्यस्तै सेड्रीनाले ‘नाई नभन्नु ल ५’ जस्तो सुपरहिट चलचित्रमा अभिनय गरेपछि चर्चामा आएकी हुन्।  म्युजिक भिडियोमा कोरियोग्राफी र ड्रेस डिजाइन भने तेञ्जु योञ्जनले गरेकी हुन् ।

https://youtu.be/mLW9kVz5MQo